ଭୋଟିଂ ବେଳେ ଗୁଳିମାଡ଼, ଆରଜେଡି ନେତାଙ୍କ ଭାଇକୁ ହତ୍ୟା

ପାଟଣା: ବିହାରରେ ଅନ୍ତିମ ତଥା ତୃତୀୟ ପର୍ଯ୍ୟାୟ ମତଦାନ ଚାଲିଚି । ଏହାରି ଭିତରେ ଆସିଛି ହିଂସା ଖବର । ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ବିଟ୍ଟୁ ସିଂହଙ୍କ ଭାଇ ବେନି ସିଂହଙ୍କୁ ହତ୍ୟା କରାଯାଇଛି । ପୂର୍ଣ୍ଣିୟାର ଧମଦାହା ବିଧାନସଭା ଅନ୍ତର୍ଗତ ସରସୀରେ ଦୁର୍ବୃତ୍ତ ଗୁଳିମାରି ହତ୍ୟା କରିଛନ୍ତି । ଅପରାଧୀ ବେନୀ ସିଂହଙ୍କ ଉପରକୁ ଆଖିବୁଜା ଗୁଳି ଚାଳନା କରିଥିଲେ । ମତଦାନ ଚାଲିଥିବା ବେଳେ ଗୁଳିମାଡ଼କୁ ନେଇ ସ୍ଥାନୀୟ ଲୋକ ଭୟଭୀତ ହୋଇ ପଡ଼ିଛନ୍ତି ।

ବିହାରର ୧୫ ଜିଲ୍ଲାର ୭୮ ବିଧାନସବା ଆସନ ପାଇଁ ଆଜି ତୃତୀୟ ବା ଅନ୍ତିମ ପର୍ଯ୍ୟାୟ ମତଦାନ ଜାରି ରହିଛି । ୭୮ ବିଧାନସଭା ଆସନରେ ୧୨୦୪ ଜଣ ପ୍ରାର୍ଥୀଙ୍କ ଭାଗ୍ୟ ପରଖୁଛନ୍ତି ଭୋଟର । ପୂର୍ଣ୍ଣିୟା ଜିଲ୍ଲାରେ ତୃତୀୟ ପର୍ଯ୍ୟାୟରେ ଭୋଟିଂ ଚାଲିଛି । ମତଦାନ ଚାଲିଥିବା ବେଳେ ଦୁର୍ବୃତ୍ତ ବେନୀ ସିଂହଙ୍କୁ ଗୁଳି କରି ହତ୍ୟା କରିଛନ୍ତି ।

ଗତମାସରେ ବିହାରର ଶିବହରର ଜନତା ଦଳ ରାଷ୍ଟ୍ରବାଦୀର ପ୍ରାର୍ଥୀ ଓ ତାଙ୍କର ଜଣେ ସମର୍ଥକଙ୍କୁ ଗୋଳି ମାରି ହତ୍ୟା କରିଥିଲେ । ପ୍ରାର୍ଥୀ ଜଣଙ୍କ ସମର୍ଥକଙ୍କ ସହ ପ୍ରଚାର ପାଇଁ ଯିବାବେଳେ ଦୁର୍ବୃତ୍ତ ତାଙ୍କୁ ଗୁଳି କରିଥିଲେ । ପ୍ରାର୍ଥୀଙ୍କ ସମର୍ଥକ ଜଣେ ଅପରାଧୀଙ୍କୁ ଧରିବା ପରେ ତାକୁ ପିଟି ପିଟି ମାରି ଦେଇଥିଲେ ।