ପୁଣି ଶ୍ରୀମନ୍ଦିର ଉପରର ଡ୍ରୋନ୍ ଭିଡିଓ ଭାଇରାଲ୍

ପୁରୀ : ପୁଣି ଶ୍ରୀମନ୍ଦିର ଉପରର ଡ୍ରୋନ୍ ଭିଡିଓ ଭାଇରାଲ୍ ହୋଇଛି । ଭାଇରଲ ଡ୍ରୋନ୍ ଭିଡିଓରେ ଜଣେ ଚୁନରା ସେବକଙ୍କ ଚିତ୍ର ବାରମ୍ବାର ଦେଖାଦେଇଛି । ଏପରିକି ଡ୍ରୋନ ଉଡିବା ସମୟରେ ସମ୍ପୃକ୍ତ ସେବାୟତ ଜଣଙ୍କ ଜାଣିଥିବା ଭଳି ଦୃଶ୍ୟ ବାରି ହୋଇପଡୁଛି। ଚିତ୍ର ଉତ୍ତୋଳନ ସମୟରେ ସେ ବାରମ୍ବାର ମୁଣ୍ଡିଆ ମାରୁଥିବା ଲକ୍ଷ୍ୟ କରାଯାଇଛି। ଭିଡିଓଟି ଏଡିଟି କରାଯାଇଥିବା ବେଳେ ଚୁନରା ସେବକ ୧୪ହାତିଆ ମୁଖ୍ୟ ବାନା ଲଗାଉଥିବା ସମୟର ଦୃଶ୍ୟ ମଧ୍ୟ ସେହି ଭିଡିଓରେ ରହିଛି। ଏ ନେଇ ଅଧିକ ତଦନ୍ତ ଆବଶ୍ୟକତା ରହିଥିବା ବେଳେ ବାରମ୍ବାର ଏପରି ଭିଡିଓ ଭାଇରାଲ ହେବା ଚିନ୍ତା ବଢାଇଛି । ଯାହାକୁ ନେଇ ସେବାୟତ ମାନେ କ୍ଷୋଭ ପ୍ରକାଶ କରିଥିବା ବେଳେ ଶ୍ରୀମନ୍ଦିର ସୁରକ୍ଷା ନେଇ ପ୍ରଶାସନ କି ସରକାର କିଛି ଗୋଟେ ଠୋସ ପଦକ୍ଷେପ ନେବାକୁ ଦାବି କରିଛନ୍ତି। ତେବେ ଆଣ୍ଟି ଡ୍ରୋନ ସିଷ୍ଟମର କଥା କୁହାଯାଉଥିବା ବେଳେ କେବେ ଏହା ଲାଗୁ କରାଯିବ ତାହା ଦେଖିବା କୁ ବାକି ରହିଅଛି।