ଅପରାଧ ମୁକ୍ତ ପାଇଁ ପୁରୀ ପୋଲିସର କାର୍ଯ୍ୟଶୈଳୀକୁ ସମର୍ଥନ
ପୁରୀ: ଶ୍ରୀକ୍ଷେତ୍ରକୁ ଅପରାଧ ମୁକ୍ତ କରିବା ପାଇଁ ପୁରୀ ପୋଲିସର କାର୍ଯ୍ୟଶୈଳୀକୁ ସମର୍ଥନ । ସହରକୁ ସମ୍ପୂର୍ଣ୍ଣ ଅପରାଧ ମୁକ୍ତ କରିବା ଲାଗି ସମର୍ଥନ ଜଣାଇଛି ପୁରୀ ଯୁବ ସମାଜ । ଏଥିପାଇଁ ଯୁବ ସମାଜ ପକ୍ଷରୁ ଆଜି ଗୁଣ୍ଡିଚା ମନ୍ଦିର ନିକଟରୁ ଏକ ବାଇକ୍ ରାଲି ବାହାରି ଶ୍ରୀମନ୍ଦିର ନିକଟରେ ପହଞ୍ଚିଥିଲା ।
ସହରରେ ଧଳା ଜହର ଓ ଗୁଣ୍ଡାରାଜକୁ ପୁରୀରୁ ନିପାତ କରିବା ନେଇ ପୂର୍ବ ଏସପିଙ୍କ ସହଯୋଗ ଅତୁଳନୀୟ ରହିଥିଲା । ସହରରୁ ଅପରାଧ ଦମନ କରିବା ସହ ସହରବାସୀଙ୍କ ସୁରକ୍ଷା ନେଇ ପୋଲିସକୁ ସହଯୋଗ କରିବା ନେଇ ପୁରୀ ଯୁବ ସମାଜ ଲକ୍ଷ୍ୟ ରଖିଥିବା କୁହାଯାଇଛି ।
