ପୁରୀ ସମୁଦ୍ରରେ ସ୍ନାନ ବେଳେ ପର୍ଯ୍ୟଟକ ନିଖୋଜ

ନନ୍ଦିଘୋଷ ବ୍ୟୁରୋ: ପୁରୀ ସମୁଦ୍ରରେ ସ୍ନାନ ବେଳେ ପର୍ଯ୍ୟଟକ ନିଖୋଜ । ବରଗଡ଼ ଅଞ୍ଚଳର ଶୁଭ ପାତ୍ର ସାଥି ମାନଙ୍କ ସହ ଗାଧଉଥିବା ବେଳେ ସମୁଦ୍ର ରେ ଭାସି ନିଖୋଜ ହୋଇଛନ୍ତି  । ବରଗଡ଼ର ଆକାଶ ମାର୍ସଲ ଆର୍ଟ କ୍ଲବର ୧୦ ଜଣ ପୁରୀ ବୁଲିବାକୁ ଆସିଥିଲେ । ପୁରୀ ଚକ୍ରତୀର୍ଥ ସମୁଦ୍ରରେ ସ୍ନାନ କରୁଥିବା ବେଳେ ହଠାତ ନିଖୋଜ ହୋଇଥିଲେ ଶୁଭ । ସାଥିମାନେ ଖୋଜା ଖୋଜି କରିବା ପରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଅନେକ ଖୋଜାଖୋଜି ପରେ ମଧ୍ୟ ତାଙ୍କର କୌଣସି ପତା ମିଳିପାରିନାହିଁ । ତେବେ ଆକାଶ ମାର୍ସଲ ଆର୍ଟର ଖେଳାଳି ଆସନ୍ତା କାଲି କୋଣାର୍କରେ ଏକ ପ୍ରତିଯୋଗିତାରେ ଭାଗ ନେବାକୁ ଆସିଥିବାବେଳେ ଆଜି ପୁରୀ ବୁଲିବାକୁ ଆସିଥଲେ। ସମୁଦ୍ରରେ ସ୍ନାନ କରିବାବେଳେ ଜଣେ ନିଖୋଜ ହୋଇଯାଇଛନ୍ତି । ପୁରୀ ପୋଲିସ ଓ ଅଗ୍ନିଶମ ପକ୍ଷରୁ ଛାନବିନ ଜାରି ରହିଛି ।