ନୀଳଚକ୍ରରେ ଚିଲ ବସିବା ପରେ ଅଶୁଭ ସଙ୍କେତର ଅନୁମାନ !
ପୁରୀ: ଶ୍ରୀମନ୍ଦିରର ନୀଳଚକ୍ରରେ ବସିଲା ଚିଲ । ଶ୍ରୀକ୍ଷେତ୍ରରେ ଆଜି ମହାପ୍ରଭୁଙ୍କ ନାଗାର୍ଜୁନ ବେଶ ଅନୁଷ୍ଠିତ ହୋଇଛି । ନୀଳଚକ୍ରରେ ଚିଲ ବସିବା ନେଇ ଅଶୁଭ ସଂକେତ ନେଇ ଅନୁମାନ କରାଯାଉଛି । ଆଜି ଭଳି ପବିତ୍ର ଦିନରେ ପତିତପାବନ ବାନା ଉପରେ ଚିଲ ବସିବା ଘଟଣା ଏକ ଭିନ୍ନ ସଂକେତ ଦେଉଥିବା ଲୋକେ ଆଶଙ୍କା କରୁଛନ୍ତି । ତେବେ ଇତିହାସରେ ଯେତେବେଳେ ବି ନୀଳଚକ୍ରରେ ଚିଲ ବସିବା ନଜର ଆସିଛି ସେତେବେଳେ କିଛିନା କିଛି ଅଶୁଭ ଘଟଣା ସାମ୍ନାକୁ ଆସିଛି ।
ଯେତେବେଳେ ବି ଏଭଳି ଅଶୁଭ ସଙ୍କେତ ଆସିଛି ଓଡ଼ିଶା ପ୍ରତି କିଛି ନା କିଛି ବିପଦ ଆସିଛି । ଏହାର ଉଦାହରଣ ହେଉଛି ଫନି ବାତ୍ୟା । ଫନି ବାତ୍ୟା ପୂର୍ବରୁ ମଧ୍ୟ ନୀଳଚକ୍ରରେ ଚିଲ ବସିଥିବା ଲକ୍ଷ କରାଯାଇଥିଲା । ଏହାପରେ ଫନି ବାତ୍ୟା ପୁରୀ ସହ ଓଡ଼ିଶାର ରାଜଧାନୀରେ ମଧ୍ୟ ପ୍ରଭାବିତ ହୋଇଥିଲା । ଏବଂ ଏହି ବାତ୍ୟା ସଙ୍ଖକ୍ଷେତ୍ର ପୁରୀ ଚିତ୍ର ସମ୍ପୂର୍ଣ୍ଣ ପରିବର୍ତ୍ତନ କରିଦେଇଥିଲା । ତେଣୁ ନୀଳଚକ୍ରରେ ଚିଲ ବସିଥିବାରୁ ଅଶୁଭ ସଙ୍କେତ ନେଇ ଅନୁମାନ କରାଯାଏ ।
ଆପଣଙ୍କୁ କହି ରଖୁଛୁ ଯେ, ଶ୍ରୀ ମନ୍ଦିରର ମନ୍ଦିରର ଅନେକ ମାହାତ୍ମ୍ୟ ରହିଛି । କୁହାଯାଏ ଯେ, ଏହି ମନ୍ଦିର ନୀଳ ଚକ୍ରକୁ ଯେଉଁ ବି ସ୍ଥାନରେ ଥାଇ ଦେଖିଲେ ଏହା ସିଧା ହିଁ ଦେଖାଯାଇଥାଏ । ଏବଂ ଶ୍ରୀମନ୍ଦିର ଉପରେ କେବେ ବି ପକ୍ଷୀ ଉଡ଼ିବାର ଦେଖିବାକୁ ମିଳେ ନାହିଁ । ଏଭଳି କ୍ଷେତ୍ରରେ ଶ୍ରୀମନ୍ଦିର ନିଳଚକ୍ରରେ ଚିଲ ବସିବା ପରେ ବହୁ ଅଶୁଭ ସଙ୍କେତର ଅନୁମାନ କରାଯାଉଛି ।
