ଶ୍ରୀମନ୍ଦିର ସିଂହଦ୍ଵାର ସମ୍ମୁଖରେ ଢେଉ ମାରୁଛି ପେଜ

ପୁରୀ: ଶ୍ରୀମନ୍ଦିର ସିଂହଦ୍ଵାର ସମ୍ମୁଖରେ ଢେଉ ମାରୁଛି ପେଜ। ପେଜନଳାରୁ ନିର୍ଗତ ପାଣି ସିଂହଦ୍ଵାର ସମ୍ମୁଖରେ ସ୍ରୋତ ଭାବେ ଚାଲୁଛି। ସିଂହଦ୍ଵାରରେ ସ୍ରୋତ ଚାଲିବା ଯୋଗୁଁ ଭକ୍ତମାନେ ନାହିଁ ନଥିବା ସମସ୍ଯାରେ ସମ୍ମୁଖୀନ ହେଉଛନ୍ତି। ସକାଳୁ ମହାପ୍ରଭୁଙ୍କ ମଙ୍ଗଳ ଆଳତୀ ପରେ ଅନ୍ଯାନ୍ଯ ନୀତି ଚାଲିଥିବା ବେଳେ ସିଂହଦ୍ଵାର ସମ୍ମୁଖରେ ଏଭଳି ସ୍ଥିତି ସୃଷ୍ଟି ହୋଇଛି।

ସେପଟେ ପେଜ ପାଣିକୁ ସଫା କରିବା ପାଇଁ ନାକେଦମ ହେଲେଣି ସଫେଇ କର୍ମଚାରୀ। ସବୁଠାରୁ ବଡକଥା ହେଉଛି ଏଥିପ୍ରତି ନା ପ୍ରଶାସନ ନା ମନ୍ଦିର ପ୍ରଶାସନ କେହି ବି ଯତ୍ନବାନ ହୋଇନାହାନ୍ତି। ପେଜନଳା ଓ ଏମାରମଠ ଆଡୁ ଆସୁଥିବା ଏହି ପେଜପାଣି ଭକ୍ତ ଓ ସେବକଙ୍କ ପାଇଁ ସମସ୍ଯା ସୃଷ୍ଟି କରିଛି।