ପୁରୀ: ଆଜି ଶ୍ରୀମନ୍ଦିର ପରିଚାଳନା କମିଟି ବୈଠକ । ଦିନ ୧୧ଟାରେ ନୀଳାଦ୍ରି ଭକ୍ତ ନିବାସରେ ଏହି ପରିଚାଳନା ବୈଠକ ଅନୁଷ୍ଠିତ ହେବ । ଗଜପତି ମହାରାଜ ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ଏହି ବୈଠକ ବସିବାକୁ ଥିବା ବେଳେ ଶ୍ରୀମନ୍ଦିର ମୁଖ୍ୟ ପ୍ରଶାସକ ବୀର ବିକ୍ରମ ଯାଦବ, ଜିଲ୍ଲାପାଳ ସମର୍ଥ ବର୍ମା, ଏସପି କନଓ୍ବର ବିଶାଲ ସିଂ, ଶ୍ରୀମନ୍ଦିର ପ୍ରଶାସନିକ ଅଧିକାରୀଙ୍କ ସମେତ ପରିଚାଳନା କମିଟିର ସମସ୍ତ ସଦସ୍ୟ ଉପସ୍ଥିତ ରହିବେ ।
ଏହି ପରିଚାଳନା କମିଟି ବୈଠକରେ ମୁଖ୍ୟତଃ ବଜେଟ ଉପରେ ଆଲୋଚନା ହେବାକୁ ଥିବା ବେଳେ ଫାଇନାନସିଆଲ ସବ କମିଟି, ନୀତି ସବ କମିଟିର ପ୍ରୋସିଡିଙ୍ଗ ଉପରେ ଆଲୋଚନା ସହ ରାଜସ୍ବ, ସେବାୟତଙ୍କ ଗୁରୁକୁଳ ଉପରେ ମଧ୍ୟ ଆଲୋଚନା କରାଯିବ । ଏଥିସହ ଐତିହ୍ୟ କରିଡର, ଭକ୍ତଙ୍କ ଦର୍ଶନ ପାଇଁ ଶ୍ରୀମନ୍ଦିର ଚାରିଦ୍ୱାର ଖୋଲିବା ଓ ଶ୍ରୀମନ୍ଦିର ସମ୍ମୁଖରେ ମୁଖ୍ୟତଃ ବିକ୍ଷୋଭ ବା ଆନ୍ଦୋଳନକୁ ବନ୍ଦ କରାଯିବା ପାଇଁ ଛତିଶା ନିଯୋଗରେ ପାରିତ ହୋଇଥିବା ବେଳେ ପରିଚାଳନା କମିଟିରେ ମଧ୍ୟ ଆଲୋଚନା କରାଯିବ ।
