ମହାପ୍ରଭୁଙ୍କ ଉଦ୍ଦେଶ୍ୟରେ ରୁପା ଶଙ୍ଖ ଦାନ କଲେ ଭକ୍ତ

ନନ୍ଦିଘୋଷ ବ୍ୟୁରୋ: ମହାପ୍ରଭୁଙ୍କ ଉଦ୍ଦେଶ୍ୟରେ ରୁପା ଶଙ୍ଖ ଦାନ କଲେ ଭକ୍ତ । ୧ କେଜି ୬୧୯ଗ୍ରାମର ଓଜନ ପ୍ରାୟ ଅଢେଇ ଲକ୍ଷ ଟଙ୍କାର ରୁପା ଶଙ୍ଖକୁ ସମ୍ବଲପୁରରୁ ଆସିଥିବା ଭକ୍ତ ନଳିନୀ ପ୍ରଭା ଦାସ ଶ୍ରୀମନ୍ଦିର ପ୍ରଶାସନକୁ ଦାନ କରିଛନ୍ତି । ଦଇତାପତି ସେବାୟତଙ୍କ ଜରିଆରେ ଶ୍ରୀମନ୍ଦିର ନୀତି ପ୍ରଶାସକଙ୍କୁ ଏହି ଶଙ୍ଖଟି ହସ୍ତାନ୍ତର କରାଯାଇଛି । ମନରେ ମାନସିକ ଥିଲା । ଆଉ ସେବେଠାରୁ କଟକରେ କୁଶଳୀ କାରିଗରଙ୍କ ଦ୍ଵାରା ଅତି ନିଖୁଣ କାରୁକାର୍ଯ୍ୟରେ ରୂପା ଶଙ୍ଖ ତିଆରି କରି ଜଗନ୍ନାଥଙ୍କୁ ଦେବାକୁ ସ୍ଥିର କରିଥିଲେ । ଆଉ ଆଜି ସପରିବାର ଆସି ସେହି ଶଙ୍ଖ ଦାନ କରିଛନ୍ତି । ମହାପ୍ରଭୁ ସୁବର୍ଣ୍ଣ ବେଶରେ ଏହି ଶଙ୍ଖକୁ ଧାରଣ କରିଥିବାରୁ ସେହି ଉଦ୍ଦେଶ୍ୟରେ ଏହି ରୂପା ଶଙ୍ଖଟି ଦାନ କରିଛନ୍ତି । ତେଣୁ ମନରେ ଅନେକ ଖୁସି ରହିଛି । ମହାପ୍ରଭୁ କେବଳ ଗୋଟିଏ ଥର ସେହି ଶଙ୍ଖକୁ ଧାରଣ କରିଦେଲେ ଆତ୍ମା ତୃପ୍ତି ହେଇଯିବ ବୋଲି କହିଛନ୍ତି ନଳିନୀ ପ୍ରଭା।