ଭକ୍ତଙ୍କ ଭିଡ଼ ବଢିବାରୁ ବ୍ୟାରିକେଡ୍କୁ ସଂକୁଚିତ କରାଯାଇଛି
ପୁରୀ: ରବିବାର ଶ୍ରୀମନ୍ଦିର ସାନିଟାଇଜ ପରେ ଆଜି ପୁଣି ଲାଗିଛି ଭକ୍ତଙ୍କ ଭିଡ଼ । ବିନା କୋଭିଡ଼ ରିପୋର୍ଟରେ ଦର୍ଶନ ସମ୍ଭବ ହେଉଥିବାରୁ ଭକ୍ତଙ୍କ ସମାଗମ ମଧ୍ୟ ଧିରେ ଧିରେ ବଢିବାରେ ଲାଗିଛି । ଗାଇଡଲାଇନ ଅନୁସାରେ ସକାଳ ୬ଟାରୁ ୭ ଯାଏଁ ପୁରୀ ସହରବାସୀ ଜଗା ଦର୍ଶନ କରିଛନ୍ତି । ଏବଂ ପରେ ବିନା କୋଭିଡ ରିପୋର୍ଟରେ ସର୍ବସାଧାରଣ ଜଗନ୍ନାଥ ଦର୍ଶନ କରିଛନ୍ତି । ଆଜି ସକାଳୁ ମହାପ୍ରଭୁଙ୍କ ଦର୍ଶନ ପାଇଁ ବହୁ ଭକ୍ତ ଓ ଶ୍ରଦ୍ଧାଳୁଙ୍କ ସମାଗମ ହୋଇଛି ।
ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ପୋଲିସ ପ୍ରସାଶନ ପକ୍ଷରୁ ବ୍ୟାପକ ବ୍ୟବସ୍ଥା ମଧ୍ୟ କରାଯାଇଛି । ମାର୍କେଟ ଛକରୁ ପୂର୍ବରୁ ନିର୍ମାଣ ହୋଇଥିବା ବ୍ୟାରିକେଡ୍କୁ ସଂକୁଚିତ କରାଯାଇଛି । ଏହାସହ ମରିଚି କୋଟ ଛକରୁ ବ୍ୟାରିକେଡ୍ ଦେଇ ଭକ୍ତମାନେ ଶ୍ରୀମନ୍ଦିରରେ ପ୍ରବେଶ କରୁଛନ୍ତି । କୋଭିଡ୍ ରିପୋର୍ଟ ଆବଶ୍ୟକ ନଥିବାରୁ ଦିନକୁ ଦିନ ପୁରୀରେ ଭକ୍ତଙ୍କ ସଂଖ୍ୟା ବଢୁଛି ।
