ପୁଣି ଶ୍ରୀମନ୍ଦିର ଭିତର ଫଟୋ ସୋସିଆଲ୍ ମିଡିଆରେ ଭାଇରାଲ୍
ପୁରୀ: ପୁଣି ଶ୍ରୀମନ୍ଦିର ଭିତରର ଫଟୋ ସୋସିଆଲ ମିଡ଼ିଆରେ ଭାଇରଲ | ଶ୍ରୀମନ୍ଦିର ସୁରକ୍ଷା ନେଇ ଉଠିଛି ପ୍ରଶ୍ନ | ଇନଷ୍ଟାଗ୍ରାମରେ ସାଲିନି ଫସୀ ଓ ଇଣ୍ଡିଆନ ଟେମ୍ପଲର ଦୁଇଟି ଆକାଉଣ୍ଟରେ ଶ୍ରୀମନ୍ଦିରର ଏହି ଫଟୋ ଭାଇରଲ ହୋଇଛି | ଦକ୍ଷିଣ ଦ୍ୱାର ପଟୁ ଏହି ଫଟଚିତ୍ର ଉତ୍ତୋଳନ କରାଯାଇଥିବା ଜଣାପଡୁଛି | ବାରମ୍ବାର ଶ୍ରୀମନ୍ଦିର ଭିତରର ଫଟୋ ଭାଇରଲକୁ ନେଇ ଶ୍ରୀମନ୍ଦିର ସୁରକ୍ଷା ପ୍ରତି ସିଧାସଳଖ ଆଙ୍ଗୁଠି ଉଠାଇଛି |ସୁରକ୍ଷା ଢିଲା ଯୋଗୁଁ ଏହି ଫଟ ଇନଷ୍ଟାଗ୍ରାମରେ ଘୁରି ବୁଲୁଚି ବୋଲି ଅନୁମାନ କରାଯାଉଛି | ଫେବୃଆରୀ 2ତାରିଖ ଦିନ ଏହି ଫଟ ଅପଲୋଡ଼ ହୋଇଥିବା ବେଳେ ସାଧାରଣ ଭକ୍ତ ଓ ଶ୍ରଦ୍ଧାଳୁ ମନ୍ଦିରର ସିଂହଦ୍ୱାର ଦେଇ ପ୍ରବେଶ କରୁଥିଲେ | ସିଂହଦ୍ୱାର ନିକଟରେ ସ୍ୱତନ୍ତ୍ର ଚେକିଂର ବ୍ୟବସ୍ଥା ରହିଥିବା ବେଳେ କିଭଳି ଭକ୍ତ ଜଣଙ୍କ ଭିତରକୁ ମୋବାଇଲ ନେଇ ଯିବା ସହ ଫଟ ମଧ୍ୟ ଉତ୍ତଳନ କଲେ ଏବଂ ସୋସିଆଲ ମିଡ଼ିଆରେ ଭାଇରଲ କଲେ ତାହା ସବୁଠୁ ବଡ ପ୍ରଶ୍ନ |
