ଏବେ ସରିବନି ଶ୍ରୀମନ୍ଦିର ରତ୍ନଭଣ୍ଡାର ମରାମତି କାମ

ନନ୍ଦିଘୋଷ ବ୍ୟୁରୋ: ଶ୍ରୀମନ୍ଦିର ରତ୍ନଭଣ୍ଡାର ମରାମତି ଏବେ ସରିବନି । ଆହୁରି ମାସେ ଦୁଇ ମାସ ଲାଗିବ । ତା ପରେ ଗଣତି ମଣତି କରାଯିବ । ଏଏସଆଇ ଙ୍କୁ ଯଥେଷ୍ଟ ସମୟ ମିଳିପାରୁନଥିବାରୁ ରତ୍ନଭଣ୍ଡାର ମରାମତି କାର୍ଯ୍ୟ ଅବଧି ସମୟ ଭିତରେ ସରିବା ନେଇ ଦେଖାଦେଇଛି ଅନିଶ୍ଚିତତା । ରତ୍ନ ଭଣ୍ଡାର ମରାମତି ନେଇ ଏଏସଆଇଙ୍କୁ ଅଧିକ ସମୟ ଯୋଗାଇ ଦିଆଯିବା ନେଇ କରାଯାଉଛି ଆଲୋଚନା । ଭିବିନ୍ନ ସମୟରେ ମହାପ୍ରଭୁଙ୍କ ନୀତିକାନ୍ତି ଓ ଦର୍ଶନାର୍ଥୀଙ୍କ ଭିଡ଼ ଯୋଗୁଁ ସ୍ଥଗିତ ରଖାଯାଉଛି ରତ୍ନଭଣ୍ଡାର ମରାମତି କାର୍ଯ୍ୟ । ମରାମତି କାର୍ଯ୍ୟ ତ୍ୱରାନ୍ୱିତ କରାଯିବା ପାଇଁ ପ୍ରଚେଷ୍ଟା କରାଯାଉଛି । ଜିପିଆରଏସ ସର୍ଭେ ଅନୁଯାଇ ଏଏସଆଇ ତାର କାର୍ଯ୍ୟ ସଠିକ ଭାବେ କରୁଛି ।ଯଥା ସମ୍ବବ ଏଏସଆଇଙ୍କୁ ବେଶି ସମୟ ଦେବା ପାଇଁ ସେବାୟତ ମାନଙ୍କ ସହ ଆଲୋଚନା କରାଯାଉଛି ବୋଲି ଶ୍ରୀମନ୍ଦିର ଉପ ମୁଖ୍ୟପ୍ରଶାସକ ସିଦ୍ଧାର୍ଥ ଶଙ୍କର ସ୍ୱାଇଁ ସୂଚନା ଦେଇଛନ୍ତି ।