ପୁରୀ: ଆଗାମୀ ରଥଯାତ୍ରା ସମୟରେ ବଡ଼ଦାଣ୍ଡ ଉପରେ ଡ୍ରୋନ ଉଡ଼ିବା ନେଇ କଟକଣା। ଡ୍ରୋନ କଟକଣା ନେଇ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଆଡଭାଇଜରି ଜାରି କରାଯାଇଛି। ଆସନ୍ତା ଜୁନ୍ ୨୦ରେ ରଥଯାତ୍ରାରେ ଲକ୍ଷ ଲକ୍ଷ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପୁରୀ ପୋଲିସ୍ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ନବଯୌବନ ଦର୍ଶନ ଠାରୁ ନୀଳାଦ୍ରି ବିଜେ ପର୍ଯ୍ୟନ୍ତ ଡ୍ରୋନ ଉଡାଣ ଉପରେ କଟକଣା ଲଗାଇଛି ପୁରୀ ପୋଲିସ ।
ଶ୍ରୀମନ୍ଦିର ଉପରେ, ତିନି ରଥ ନିକଟରେ ଓ ଗୁଣ୍ଡିଚା ମନ୍ଦିର ଉପରେ ଡ୍ରୋନ ଉଡାଣ ଉପରେ କେହି ଡ୍ରୋନ ଉଡାଇପାରିବେନି। ନିୟମ ଉଲଘଂନ କଲେ ଡ୍ରୋନ ଉଡାଣ ଆଇନ ନେଇ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରାଯିବ । DGCA ର ଗାଇଡ ଲାଇନ୍ ଅନୁଯାୟୀ ରେଡ ଜୋନରେ ରହିଛି ଶ୍ରୀମନ୍ଦିର। ଏଣୁ ଶ୍ରୀମନ୍ଦିର ଉପରେ ଡ୍ରୋନ ଉଡାଣ ବେଆଇନ ବୋଲି ପୋଲିସ ପକ୍ଷରୁ କୁହାଯାଇଛି।
ପୁର୍ବରୁ ଏହି ନିୟମ ଉଲଘଂନ ପାଇଁ ଜଣେ ୟୁ ଟ୍ୟୁବରକୁ ଗିରଫ କରିଥିଲା ପୁରୀ ପୋଲିସ। ତେବେ ଡ୍ରୋନ ମାଧ୍ୟମରେ ପୁରୀ ପୋଲିସ ବଡଦାଣ୍ଡ, ସମୁଦ୍ରକୂଳ ଓ ପୁରୀ ସହରର ବିଭିନ୍ନ ସ୍ଥାନରେ ନଜର ରଖିବା ପାଇଁ ଡ୍ରୋନ ଉଡାଣ କରି ସୁରକ୍ଷା ଉପରେ ନଜର ରଖିବ।
