ଶ୍ରୀକ୍ଷେତ୍ର ଲଜରେ ଦେହ ବ୍ୟବସାୟ, ଦଲାଲ ସହ ଦେହଜୀବୀଙ୍କୁ ଧରିଲା ପୋଲିସ

ପୁରୀ: ଶ୍ରୀକ୍ଷେତ୍ର ଛାତି ଉପରେ ଦେହ ବ୍ୟବସାୟ । ପୁରୀ ସହରର ବଳଗଣ୍ଡି ଛକରେ ଥିବା ଶ୍ରୀକ୍ଷେତ୍ର ଲଜରେ କୁମ୍ଭାରପଡ଼ା ପୋଲିସ୍ ରେଡ୍ କରି ସେକ୍ସ ରାକଟକୁ ଧରିଛି । ଲଜରୁ ଜଣେ ମହିଳା ଦଲାଲଙ୍କ ସହ ଜଣେ ଦେହଜୀବୀ, ଜଣେ ଗ୍ରାହକଙ୍କୁ ପୋଲିସ ଉଠାଇ ନେଇ ପଚରାଉଚରା କରୁଛି ।

ଶ୍ରୀକ୍ଷେତ୍ର ଲଜରେ ଏଭଳି କାରନାମା କେବେଠୁ ଚାଲିଥିଲା ? ଏଥିରେ ଆଉ କିଏ କିଏ ସମ୍ପୃକ୍ତ ଏନେଇ ପୋଲିସ ଲଜର ମ୍ୟାନେଜରଙ୍କୁ ପଚରାଉଚରା କରୁଛି । ସେକ୍ସ ରାକେଟକୁ ନେଇ ତଦନ୍ତ ଜାରି ରଖିଛି କୁମ୍ଭାରପଡ଼ା ଥାନା ପୋଲିସ । ପୂର୍ବରୁ ପୁରୀ ସହରର ବଳିଆପଣ୍ଡା ଥାନା ଅଞ୍ଚଳର ଏକ ହୋଟେଲରେ ସେକ୍ସ ରାକେଟ ଧରାପଡ଼ିଥିଲା । ମାମଲାରେ ୩ ଜଣଙ୍କୁ ପୋଲିସ ଗିରଫ କରିଥିବା ବେଳେ ୫ ଜଣ ମହିଳାଙ୍କୁ ଉଦ୍ଧାର କରାଯାଇଥିଲା ।