ଶ୍ରୀମନ୍ଦିର ଭିତର ବେଢ଼ା ଓ ଗର୍ଭଗୃହ ଭିଜୁଆଲ ଭାଇରାଲ ପ୍ରସଙ୍ଗ, ଇନଷ୍ଟା ଆକାଉଣ୍ଟ ଚଲାଉଥିବା ବ୍ୟକ୍ତି ଥାନାରେ ହାଜର

ପୁରୀ : ଶ୍ରୀମନ୍ଦିର ଭିତର ବେଢ଼ା ଓ ଗର୍ଭଗୃହ ଭିଜୁଆଲ ଭାଇରାଲ ପ୍ରସଙ୍ଗ । ସିଂହଦ୍ୱାର ଥାନାରେ ହାଜର ହେଲେ ବାଙ୍କେ ବିହାରୀ ଅନନ୍ତ ନାମରେ ଇନଷ୍ଟା ଆକାଉଣ୍ଟ ଚଲାଉଥିବା ବ୍ୟକ୍ତି । ଇନଷ୍ଟା ଆକାଉଣ୍ଟଧାରୀ ଅନନ୍ତ ଗୋସ୍ୱାମୀ ପୋଲିସ ନିକଟରେ ହାଜର ହୋଇଛନ୍ତି । ଗତ ଜାନୁଆରୀ ୧୯ ତାରିଖରେ ଶ୍ରୀମନ୍ଦିର ଭିତର ବେଢ଼ା, ଗର୍ଭଗୃହରେ ବିରାଜିତ ଶ୍ରୀଜିଉ ଓ ପାଟ ଅଗଣା ଭିଜୁଆଲ ଭାଇରାଲ ହୋଇଥିଲା । ବାଙ୍କେବିହାରୀ ଅନନ୍ତ ନାମକ ଇନ୍ନଷ୍ଟା ଆକାଉଣ୍ଟରେ ଫଟୋ ଓ ଭିଜୁଆଲ ଅପଲୋଡ଼ ହୋଇଥିଲା । ଶ୍ରୀମନ୍ଦିର ସିଂହଦ୍ଵାର ଗୁମୁଟରେ ପତିତପାବନଙ୍କ ସମ୍ମୁଖରେ ଛିଡ଼ା ହୋଇ ନିଜର ଫଟୋ ମଧ୍ୟ ଉଠାଇଥିଲେ। ଖବର ପ୍ରସାରଣର କିଛି ସମୟରେ ଏହାକୁ ନିଜ ସୋସିଆଲ ଆକାଉଣ୍ଟରୁ ଡିଲିଟ ମଧ୍ୟ କରିଥିଲେ । ତେବେ ଏନେଇ ଶ୍ରୀମନ୍ଦିର ପ୍ରଶାସନ ତରଫରୁ ପୋଲିସକୁ ଅବଗତ କରାଯାଇଥିଲା । ପୋଲିସ ଉକ୍ତ ବ୍ୟକ୍ତିଙ୍କୁ ନୋଟିସ୍ ଦେବା ପରେ ସେ ହାଜର ହୋଇଛନ୍ତି । କେଉଁ ପରିସ୍ଥିତିରେ ଏବଂ କାହିଁକି ନିୟମ ଉଲ୍ଲଂଘନ କରିଥିଲେ ଅନନ୍ତ ଗୋସ୍ୱାମୀ, ସେନେଇ ଅଧିକ ପଚରାଉଚରା ଜାରି ରଖିଛି ପୋଲିସ୍ । ଅନନ୍ତ ଗୋସ୍ୱାମୀ ନିଜ ସୋସିଆଲ ଆକାଉଣ୍ଟରେ ନିଜକୁ ବୃନ୍ଦାବନ ବାଙ୍କେ ବିହାରୀ ମନ୍ଦିରର ମୁଖ୍ୟ ସେବା ଅଧିକାରୀ ବୋଲି ଦର୍ଶାଇଛନ୍ତି।