ପୁରୀ : ୮ ଦଫା ଦାବି ପୂରଣ ନେଇ ଗତକାଲି ଠାରୁ ରାଜ୍ୟ ବ୍ୟାପୀ ଆମରଣ ଅନଶନରେ ବସିଛନ୍ତି ନିଖିଳ ଓଡିଶା ଆୟୁଷ ଛାତ୍ର ସଂଗଠନ । ପୁରୀ ଗୋପବନ୍ଧୁ ଆୟୁର୍ବେଦ କଲେଜ ଠାରେ ମଧ୍ୟ ଅନଶନ ଜାରି ରହିଛି । ଆଜି ଜଣେ ଛାତ୍ରଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଇଛି । ଛାତ୍ର ଜଣକଙ୍କ ନାମ ନିଗମ ପ୍ରସାଦ ନନ୍ଦ ହୋଇଥିବା ବେଳେ ତାଙ୍କୁ ଚିକିତ୍ସା ପାଇଁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଛାତ୍ରଙ୍କ ଅବସ୍ଥା ଅସୁସ୍ଥ ହୋଇ ଯାଇଥିବାରୁ କଲେଜ ଅଧ୍ୟକ୍ଷ ଓ ପୁରୀ ଉପ ଜିଲ୍ଲାପାଳ ଖବର ପାଇ ଧାରଣାସ୍ଥଳରେ ପହଂଚିଥିଲେ । ପରେ ଆମ୍ବୁଲାନ୍ସ ଯୋଗେ ଅସୁସ୍ଥ ଛାତ୍ରଙ୍କୁ ମେଡିକାଲକୁ ପଠାଯାଇଥିଲା।
