ସାବତ ଝିଅକୁ ମା’ ମାରି ପୋଡିଦେବା ଘଟଣା, ଅଭିଯୁକ୍ତ ବାପାର ହେବ ଡିଏନଏ ଟେଷ୍ଟ

ପୁରୀ: ପୁରୀ ଜିଲ୍ଲା ଗୋପ ଥାନା ବିଜିପୁର ଗାଁରେ ସାବତ ଝିଅକୁ ମା’ ମାରି ପୋଡିଦେବା ଘଟଣା । ଅଭିଯୁକ୍ତ ବାପାର ଡିଏନଏ ସାମ୍ପୁଲ ସଂଗ୍ରହ ପାଇଁ ପୁରୀ ପଠାଇଲା ଗୋପ ପୁଲିସ । ସେପଟେ ଅନ୍ୟ ଅଭିଯୁକ୍ତଙ୍କ ଗିରଫ ପାଇଁ ମୃତ ମୋନାଲିଙ୍କ ବଡ ଭଉଣୀ ରଂଜିତା ଦାବି କରିଛନ୍ତି । ସାବତ ମା’ ନିଜ ବାପା ଓ ମାମୁ ଭଉଣୀ ମୋନାଲିକୁ ମାରି ପୋଡି ଦେଇଥିବା ବଡ଼ଝିଅ ରଂଜିତା ଗୋପ ଥାନାରେ ଅଭିଯୋଗ କରିଥିଲେ । ପୋଲିସ ଶ୍ମଶାସନକୁ ଯାଇ ପାଉଁଶ ଓ ଅସ୍ଥି ଜବତ କରି ତଦନ୍ତ କରିଥିଲା ।

ବାପା ଦୁର୍ଗାଚରଣ ମହାରଣାକୁ ଗୋପ ପୁଲିସ କାଲିଠୁ ଥାନାରେ ଅଟକ ରଖି ପଚରାଉଚରା କରିଥିବା ବେଳେ ଆଜି ତାର ଡିଏନଏ ଟେଷ୍ଟ ପାଇଁ ପୁରୀ ଚିକିତ୍ସାଳୟକୁ ପଠାଇଛି । ଅଭିଯୋଗ ଅନୁସାରେ ଦୁର୍ଗାଚରଣ ମହାରଣାଙ୍କଙ୍କ ପ୍ରଥମ ସ୍ତ୍ରୀଙ୍କର ୨୦୧୮ରେ ମୃତ୍ୟୁ ହୋଇଥିଲା । ବଡ଼ ଭଉଣୀ ରଶ୍ମିତା କୋଲକାତାରେ ଏକ ଘରୋଇ କମ୍ପାନୀରେ କାର୍ଯ୍ୟକରୁଥିବାବେଳେ ସାନ ଭଉଣୀ ମୋନାଲି ଗୋପ ମହାବିଦ୍ୟାଳୟରେ ଅଧ୍ୟାପକ ଭାବେ କାର୍ଯ୍ୟକରୁଥିଲେ ।

୨୦୨୦ ମସିହାରେ ବାପା ଦୁର୍ଗାଚରଣ ଦ୍ବିତୀୟ ବିବାହ କରିଥିଲେ । ଏହାପରେ ସାବତ ମାଆ ସବୁବେଳେ ମୋନାଲିଙ୍କୁ ନିର୍ଯାତନା ଦେଉଥିବା ଅଭିଯୋଗ ହୋଇଛି । ଗତ ୭ ତାରିଖ ରାତିରେ ମୋନାଲିଙ୍କୁ ତାଙ୍କ ସାବତ ମା ମମତା ଓଝା ଓ ସାବତ ମାଙ୍କ ଭାଇ ହତ୍ୟା କରି ପୋଡ଼ିଦେଇଥିବା ଅଭିଯୋଗ ହୋଇଛି । ଏ ସମ୍ପର୍କରେ ବଡ଼ ଭଉଣୀଙ୍କୁ ଗାଁ ଲୋକ ଖବର ଦେବାପରେ ଥାନାରେ ଅଭିଯୋଗ କରିଥିଲେ ରଶ୍ମିତା ।