ଶ୍ରୀମନ୍ଦିରରେ ପୁଣି ଲାଇଟ୍ ବ୍ୟବସ୍ଥା

ନନ୍ଦିଘୋଷ ବ୍ୟୁରୋ: ଶ୍ରୀମନ୍ଦିରକୁ ଆଲୋକିତ କରିବାକୁ ପୁଣି ଥରେ ଏହାର ବ୍ୟବସ୍ଥା କରାଯାଇଛି। ଆଗାମୀ ଦିନରେ ସ୍ଥାୟୀ ଭାବେ ଆଲୋକୀକରଣର ବ୍ଯବସ୍ଥା କରାଯିବ ବୋଲି କହିଛନ୍ତି ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ। ରାତିରେ ଆଲୋକିତ କରି ଶ୍ରୀମନ୍ଦିରର ସୌନ୍ଦର୍ଯ୍ୟ ବୃଦ୍ଧି କରୁଥିବା ଲାଇଟ୍ ଦୁଇ ଦିନ ତଳେ କଢ଼ା ଯାଇଥିଲା। ଫଳରେ ରାତିରେ ଦୂରରୁ ବଡ଼ ଦେଉଳକୁ ଦେଖି ହେଉନଥିଲା। ଭକ୍ତମାନେ ଏହାକୁ ନେଇ ଉଦବେଗ ପ୍ରକାଶ କରିବା ପରେ ପୁଣି ଥରେ ଲାଇଟ୍ ର ବ୍ଯବସ୍ଥା କରାଯାଇଛି। ଲାଇଟ୍ କାହିକି କଢ଼ା ଯାଇଥିଲା, ତାର ତଦନ୍ତ କରିବାକୁ ପୁରୀ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ଯ ଶାସନ ସଚିବ। ଯିଏ ଲାଇଟ୍ କାଢ଼ିଥିଲା, ତା ବିରୋଧରେ କାର୍ଯ୍ଯାନୁଷ୍ଠାନ ନେବାକୁ ମଧ୍ଯ ନିର୍ଦ୍ଦେଶ ଦିଆଯାଇଛି। ଏହି ଘଟଣାରେ ଇଭେଣ୍ଟ କମ୍ପାନିର ୪ ଜଣଙ୍କୁ ଅଟକ ରଖାଯାଇଛି।