ଆସନ୍ତାକାଲିଠାରୁ ଶ୍ରୀମନ୍ଦିରରେ ସର୍ବସାଧାରଣ ଦର୍ଶନ। କଟକଣା ଭିତରେ ଦର୍ଶନ କରିବେ ଭକ୍ତ। ତେବେ ଦୁଇଡୋଜ୍ ଟିକା ସାର୍ଟିଫିକେଟ୍ କିମ୍ବା ଟେଷ୍ଟ ରିପୋର୍ଟ ଦେଖାଇଲେ ହିଁ ଭକ୍ତ ଦର୍ଶନ କରିପାରିବେ। ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି। ପରିସରକୁ ସାନିଟାଇଜ୍ କରାଯିବା ସହ ଶ୍ରୀମନ୍ଦିର କାର୍ଯ୍ୟାଳୟଠାରୁ ସିଂହଦ୍ୱାର ଯାଏଁ ବ୍ୟାରିକେଡ ନିର୍ମାଣ ହୋଇଛି।
ସେପଟେ ଆଜି ମଧ୍ୟାହ୍ନ ଧୂପ ନୀତି ପରେ ରକ୍ଷା ବନ୍ଧନ ଓ ମାର୍କଣ୍ଡ ପୁଷ୍କରିଣୀରେ ବଳଭଦ୍ର ଜନ୍ମନୀତି ସଂପନ୍ନ ହୋଇଛି। ଭଉଣୀ ସୁଭଦ୍ରା ବଳଭଦ୍ର ଓ ଜଗନ୍ନାଥଙ୍କ ହାତରେ ପାଟରାକ୍ଷୀ ଓ ଗୁଆମାଳକୁ ଭାଇ ବାନ୍ଧିଛନ୍ତି।
