ପୁରୀରେ ଲାଇନଚ୍ୟୁତ ପୁରୀ-ହାଉଡ଼ା ଏକ୍ସପ୍ରେସ୍

ପୁରୀ: ଲାଇନଚ୍ୟୁତ ହୋଇଛି ପୁରୀ-ହାଉଡ଼ା ଏକ୍ସପ୍ରେସ  ।  ପୁରୀରୁ ଛାଡିବାକୁ ଥିବା ପୁରୀ ହାଉଡ଼ା ପୁରୀ ଏକ୍ସପ୍ରେସ ବିଳମ୍ବ ଘଟିପାରେ  । ମିଳିଥିବା ସୂଚନା ମୁତାବକ ମାଳତୀପାଟପୁରରୁ ଖାଲି ବଗି ଆସୁଥିବା ସମୟରେ ଲାଇନ ଚ୍ୟୁତ ଘଟିଛି  । ଯାହା ଫଳରେ ଟ୍ରେନଟି ଅଟକି ରହିଛି ।  ଦୁଇଟି ଚକା ଲାଇନ ଚ୍ୟୁତ ହୋଇଥିବା ଖବର ମିଳିଛି  ।

ଲାଇନଚ୍ୟୁତ ଘଟିବା ପରେ ମାଳତୀପାଟପୁର ପାଖରେ ଟ୍ରେନଟି ଅଟକି କହିଛି  । ସେପଟେ ଘଟଣା ସ୍ଥଳକୁ ରେଳ ବିଭାଗର କର୍ମଚାରୀ ପହଞ୍ଚି କାର୍ଯ୍ୟ ଆରମ୍ଭ କରିଛନ୍ତି  । ଅଧିକାରୀ ପହଁଚି କାର୍ଯ୍ୟକୁ ଅନୁଧ୍ୟାନ କରିଛନ୍ତି  । ତେବେ ଟ୍ରେନର ଖାଲି ବଗି ଲାଇନଚ୍ୟୁତ ଘଟିଥିବା ସୂଚନା ରହିଛି  । ଯାହା ଫଳରେ କୌଣସି ଧନ ଜୀବନ କ୍ଷତି ଘଟିନାହିଁ  । ସେପଟେ ପୁରୀକୁ ଅନ୍ୟ ଟ୍ରେନ ଯିବା ଆସିବାରେ କୌଣସି ବାଧା ଘଟିନାହିଁ ବୋଲି ଅଧିକାରୀଙ୍କ ପକ୍ଷରୁ କୁହାଯାଇଛି  ।