ଜିଲ୍ଲାପାଳଙ୍କ କଡ଼ା ନିର୍ଦ୍ଦେଶ, ପୁରୀକୁ ଯାଇପାରିବନି ମୃତଦେହ..!

Puri District Collector Restrict For Cremation At Swargadwara

ବୁଧାବାରଠାରୁ ବାହାର ଲୋକଙ୍କୁ ପୁରୀ ମନା ! କରୋନା ମହାମାରୀ କାରଣରୁ ରଥଯାତ୍ରା ପାଇଁ ପୁରୀ ସହର ଚାରିପଟୁ ସିଲ୍‌ ହୋଇଥିଲା ବେଳେ ଏବେ ରଥଯାତ୍ରା ପରେ ମଧ୍ୟ ସହର ବାହାର ଲୋକଙ୍କୁ ପୁରୀକୁ ବାରଣ କରାଯାଇଛି । ତେବେ ପୁରୀ ସହରକୁ ସମ୍ପୂର୍ଣ୍ଣ ବାରଣ ହୋଇନଥିବା ବେଳେ ସ୍ୱର୍ଗ ଦ୍ୱାରକୁ ଯିବାକୁ ସମ୍ପୂର୍ଣ୍ଣ ବାରଣ କରାଯାଇଛି ।

 ବାହାର ଜିଲ୍ଲାର କୌଣସି ମୃତ ଲୋକଙ୍କୁ  ପୁରୀ ସ୍ୱର୍ଗଦ୍ୱାରରେ ପୋଡ଼ିବାକୁ ସମ୍ପୂର୍ଣ୍ଣ ବାରଣ କରିଛି ପ୍ରଶାସନ । ସ୍ୱର୍ଗଦ୍ୱାରରେ ପୁରୀ ବାହାରର କେହିବି ଶବ ସତ୍କାର କରିପାରିବେ ନାହିଁ । କୋଭିଡ୍‌ କଟକଣା ଓ ସମସ୍ତଙ୍କ ସ୍ୱାର୍ଥ ଦୃଷ୍ଟିରୁ ଏଭଳି ନିଷ୍ପତ୍ତି ନିଆଯାଇଛି ।

ଅଧିକାଂଶ ଲୋକ ପ୍ରାୟତଃ ପୁରୀ ସ୍ୱର୍ଗଦ୍ୱାରରେ ଆତ୍ମୀୟ ସ୍ୱଜନଙ୍କ ଶବ ସତ୍କାର ତଥା ମହୋଦଧିରେ ଅସ୍ଥି ବିସର୍ଜନ କରିବାକୁ ଆଗ୍ରହ ପ୍ରକାଶ କରିଥାନ୍ତି । ହେଲେ କରୋନା ଭଳି ବିଷମ ପରିସ୍ଥିତିରେ ଏହି ସବୁକୁ ବାରଣ କରାଯାଇଛି । ବୁଧବାରଠାରୁ ଏହି ନିୟମକୁ କଡ଼ାକଡ଼ି ଭାବେ ଲାଗୁ କରାଯାଇଛି ।

କରୋନା ପରିସ୍ଥିତି ସୁଧୁରିବା ପରେ ପୁରୀ ସ୍ୱର୍ଗଦ୍ୱାରରେ ଶବ ସତ୍କାର ଓ ମହୋଦଧିରେ ଅସ୍ଥି ବିସର୍ଜନ ପାଇଁ ଅନୁମତି ଦିଆଯିବ ବୋଲି ପୁରୀ ଜିଲ୍ଲାପାଳ ବଲୱନ୍ତ ସିଂହ କହିଛନ୍ତି ।

ଏହାସହ କରୋନା ମହାମାରୀ ସଂକ୍ରମଣକୁ ଦୃଷ୍ଟିରେ ରଖି, ପୋଲିସ ବିଭାଗ ଓ ମେଡିକାଲକୁ ଛାଡିଦେଲେ ଆସନ୍ତା ୧୫ ଦିନ ପାଇଁ ଜିଲ୍ଲାର ସମସ୍ତ ଅଫିସ ଜନସାଧାରଣଙ୍କ ପାଇଁ ବନ୍ଦ ରହିବ ବୋଲି କହିଛନ୍ତି ଜିଲ୍ଲାପାଳ ବଲଓ୍ୱନ୍ତ ସିଂହ । ନିଜ ନିଜ ତହସିଲ, କିମ୍ବା ବିଡ଼ିଓଙ୍କୁ ଜରୁରୀ କାମ ଥିଲେ ଫୋନ ଯୋଗେ ଯୋଗାଯୋଗ କରି କାର୍ଯ୍ୟ କରନ୍ତୁ । ନିକଟ ଅତୀତରେ ପୁରୀ ଜିଲ୍ଲାର ବିଭିନ୍ନ ଥାନା କିମ୍ବା ସରକାରୀ ଅଫିସ ବା ଅଗ୍ନିଶମ ବିଭାଗର କେସ୍‌ ହେଉ, କୋଭିଡ୍‌ ଯୋଗୁଁ ବିଗତ ଦିନରେ ସିଲ ହୋଇଛି ।

Puri-Collector

ଯଦି କାହାପାଖରେ କରୋନାର ଲକ୍ଷଣ ଦେଖାଯାଉଛି ତେବେ ତୁରନ୍ତ ଆଶା ଦିଦିକୁ କଣ୍ଟାକ୍ଟ କରି ଏ ବିଷୟରେ ଜଣାନ୍ତୁ । ବୁଧବାରଠୁ ସହରରେ ସୋସିଆଲ ଡିଷ୍ଟାନ୍ସ ଓ ମାସ୍କ ଉପରେ କଡ଼ାକଡ଼ି ନଜର ଦିଆଯିବ । ସମସ୍ତେ ନିଜର ଟ୍ରାଭେଲ୍‌ ହିଷ୍ଟ୍ରୀ ମେଣ୍ଟେନ କରନ୍ତୁ ଓ ଅତ୍ୟାବଶ୍ୟକ ନହେଲେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭିଡ କରନ୍ତୁ ନାହିଁ ବୋଲି କହିଛନ୍ତି ଜିଲ୍ଲାପାଳ ।

Puri Medical

Leave a Reply