ବିଦେଶୀ ମଦ ଦୋକାନ ଉଚ୍ଛେଦ ଦାବିରେ ପୁରୀ ଜିଲ୍ଲା ଛାତ୍ର ଓ ମହିଳା କଂଗ୍ରେସ ପକ୍ଷରୁ ବିକ୍ଷୋଭ

ପୁରୀ: ପୁରୀ ଜିଲ୍ଲା ଛାତ୍ର ଓ ମହିଳା କଂଗ୍ରେସ ପକ୍ଷରୁ ପୁରୀ ଆଚାର୍ଯ୍ୟ ହରିହର ଛକ ନିକଟସ୍ଥ ଗୋପାଳ ବଲ୍ଳଭ ରୋଡ଼ ପାଖରେ ଥିବା ଏକ ବିଦେଶୀ ମଦ ଦୋକାନ ଉଚ୍ଛେଦ ଦାବିରେ ବିକ୍ଷୋଭ ପ୍ରଦାନ କରିଛି । ସ୍ଥାନୀୟ ଅଞ୍ଚଳରେ ମଦ ବିକ୍ରି ଦ୍ୱାରା ଅଞ୍ଚଳ ବାସୀ ପ୍ରଭାବିତ ହେଉଥିବା ବେଳେ ବିଭିନ୍ନ ସମୟରେ ବିଭିନ୍ନ ଅଭିଯୋଗ ନଜରକୁ ଆସିଛି । ମଦ ଦୋକାନ ନିକଟରେ ଏକ ହୋମିଓ ପାଥି ଡାକ୍ତର ଖାନା ଥିବା ସତ୍ୱେ ସରକାରୀ ନିୟମକୁ ଉଲଂଘନ କରି କିଭଳି ମଦ ଦୋକାନ ଖୋଲିଛି ତାହା ଏବେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି  । ପ୍ରଶାସନ ପକ୍ଷରୁ ମଦ ଦୋକାନକୁ ବନ୍ଦ କରିବା ଏବଂ ଉଛେଦ କରିବା ନେଇ ଯୁବ କଂଗ୍ରେସ ପକ୍ଷରୁ ଦାବି କରାଯାଇଥିବା ବେଳେ ମଦ ଦୋକାନ ହୋଇଥିବା ଜମି ବିବାଦୀୟ ଥିବା ଅଭିଯୋଗ ଆସିଛି | ବିବାଦୀୟ ଜମିରେ କିଭଳି ମଦ ଦୋକାନ ଖୋଲିବାକୁ ଲାଇସେନ୍ସ ପ୍ରଦାନ କରାଯାଇଛି ତାହାକୁ ନେଇ ଯୁବ ଓ ଛାତ୍ର କଂଗ୍ରେସ ପ୍ରଶ୍ନ ଉଠାଇଛନ୍ତି | ଅନ୍ୟପଟେ ପୂର୍ବତନ କାଉନସିଲର ମଧ୍ୟ ଏହି ମଦ ଦୋକାନକୁ ବନ୍ଦ ନେଇ ଦାବି କରିଥିବା ବେଳେ ଆଜି ଦୋକାନ ସମ୍ମୁଖରେ ତୀବ୍ର ବିରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି | ଘଟଣା ସ୍ଥଳରେ ପୋଲିସ ପହଞ୍ଚି ବିରୋଧକାରୀଙ୍କୁ ବୁଝାସୁଝା କରିଥିବା ଜଣାପଡିଛି |