ପଞ୍ଜାବ ସମ୍ମୁଖରେ ୧୭୨ ରନ୍ ବିଜୟ ଲକ୍ଷ୍ୟ, ଗେଲ-ରାହୁଲଙ୍କ ଉପରେ ରହିବ ନଜର

ଶାରଜା : ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)ର ଦ୍ୱିତୀୟ ପର୍ଯ୍ୟାୟର ୩ୟ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ମୁକାବିଲା ହେଉଛି । ଏହି ମ୍ୟାଚରେ ବିରାଟ ବାହିନୀ ପ୍ରଥମେ ବ୍ୟାଟିଂ କରିବା ସହ ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୧୭୧ ରନ୍ ସଂଗ୍ରହ କରିଥିଲେ । ଦଳ ପକ୍ଷରୁ ଫିଞ୍ଚ ୨୦, ପାଡିକଲ ୧୮, କୋହଲି ୪୮,  ସୁନ୍ଦର ୧୩, ଦୁବେ ୨୩ ରନ ସଂଗ୍ରହ କରିଥିଲେ । ଏହା ବ୍ୟତୀତ ଡିଭିର୍ଲିୟସ ୨, ମୋରିସ ୨୫ ଏବଂ ଉଡାନ ୧୦ ରନ ସଂଗ୍ରହ କରିଥିଲେ । ପଞ୍ଜାବ ପକ୍ଷରୁ ୧୨ ରନ ଅତିରିକ୍ତ ଭାବେ ବ୍ୟୟ କରାଯାଇଥିଲା ।

ସେହିପରି ପଞ୍ଜାବ ପକ୍ଷରୁ ୬ ଜଣ ବୋଲରଙ୍କୁ ବ୍ୟବହାର କରାଯାଇଥିଲା ।  ଦଳ ପକ୍ଷରୁ ମାକ୍ସୱେଲ, ସାମି, ସିଂ, ବିଶୋଇ, ଅଶ୍ୱିନ ଏବଂ ଜୋର୍ଡାନ ବୋଲିଂ କରିଥିଲେ ।  ସାମି ଏବଂ ଅଶ୍ୱିନ ୨ଟି ଲେଖାଏ ଉଇକେଟ ନେଇଥିବା ବେଳେ, ସିଂ ଏବଂ ଜୋର୍ଡାନ ଗୋଟିଏ ଲେଖାଏଁ ଉଇକେଟ ନେଇଥିଲେ ।