ପଞ୍ଜାବରେ ପଡ଼ିବ କି ଦିଲ୍ଲୀ ପ୍ରଭାବ ? କେଜ୍ରିଓ୍ବାଲଙ୍କୁ ଭେଟିବାକୁ ବାହାରିଲେ ପଞ୍ଜାବର ସମସ୍ତ ମନ୍ତ୍ରୀ

ନନ୍ଦିଘୋଷ ବ୍ୟୁରୋ: ଦିଲ୍ଲୀରେ ଆପର ପରାଜୟ ପରେ ଏବେ ଚିନ୍ତାରେ ରହିଛି ଦଳ । ପଞ୍ଜାବରେ ଏବେ ସରକାରରେ ରହିଥିବା ଆମଆଦମୀ ପାର୍ଟି ଦିଲ୍ଲୀ ରାଜନୀତି ପ୍ରଭାବ ପକାଇବ ବୋଲି ଚର୍ଚ୍ଚା କରୁଛନ୍ତି କି? କାରଣ ଏମିତି ଏକ ଚର୍ଚ୍ଚା ଲାଗି ରହିଥିବାବେଳେ ଦିଲ୍ଲୀ ବହୁ ମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ଭଗଓ୍ବନ୍ତମାନ ମଧ୍ୟ କେଜ୍ରିଓ୍ବାଲଙ୍କୁ ଭେଟିବା ପାଇଁ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି । ସକାଳ ୧୧ରେ କେଜ୍ରିଓ୍ବାଲଙ୍କ ମନ୍ତ୍ରୀମାନେ ଭେଟିବେ । ପଞ୍ଜାବର ମୁଖ୍ୟମନ୍ତ୍ରୀ ଏବଂ ମନ୍ତ୍ରୀଙ୍କ ସହ କେଜ୍ରିଓ୍ବାଲଙ୍କ ବୈଠକ ରହିଛି । ତେବେ ବିଜେପି ଦାବି କରିଛି ଭଗଓ୍ବନ୍ତଙ୍କୁ କେଜ୍ରିଓ୍ବାଲ ମୁଖ୍ୟମନ୍ତ୍ରୀ ପଦରୁ ହଟାଇବା ପାଇଁ ଯୋଜନା କରିଛନ୍ତି । ଏଭଳି ଏକ ଚର୍ଚ୍ଚା ଭିତରେ ଏହି ବୈଠକ ଅନେକ କିଛି ରାଜନୈତିକ ଦିଗକୁ ସୂଚାଉଛି ।

ସେପଟେ ଦିଲ୍ଲୀ ନିର୍ବାଚନ ସମୟରେ ପଞ୍ଜାବର ମୁଖ୍ୟମନ୍ତ୍ରୀଙ୍କ ସହ କ୍ୟାବିନେଟ୍ ମନ୍ତ୍ରୀମାନେଦିଲ୍ଲୀରେ ଡେରା ପକାଇଥିଲେ । ପ୍ରଚାରରେ ସମସ୍ତେ ଲାଗିଥିଲେ ସୁଦ୍ଧା ଦଳକୁ ବଡ଼ ପରାଜୟର ସ୍ବିକାର କରିବାକୁ ପଡ଼ିଛି । ଏଣୁ ୨୦୨୭ରେ ପଞ୍ଜାବରେ ନିର୍ବାଚନ ହେବାକୁ ଥିବାବେଳେ ଏହା ପୂର୍ବରୁ ପ୍ରସ୍ତୁତି ଆରମ୍ଭ କରାଯାଉଥିବା ମଧ୍ୟ କୁହାଯାଉଛି । ପଞ୍ଜାବରେ ୫ ମାସ ଧରି କୌଣସି କ୍ୟାବିନେଟ୍ ବୈଠକ ହୋଇନାହିଁ । ଏବେ ଦଳରେ ବିବାଦ ହେଉଥିବା ବିରୋଧୀମାନେ ଦାବି କରିଥିବାବେଳେ ଏହା ଏକ ସାଙ୍ଗଠନିକ ବୈଠକ ବୋଲି ଆପ ପକ୍ଷରୁ କୁହାଯାଇଛି ।