ସମଲିଙ୍ଗୀଙ୍କ ବିବାହକୁ ନେଇ ଧାର୍ମିକ ବିରୋଧ

ଅମୃତସର: ପାରମ୍ପରିକ ରୀତି ନୀତିରେ ହୋଇଛି ବିବାହ । ଗୁରୁଦ୍ବାରରେ ସମଲିଙ୍ଗୀଙ୍କ ବିବାହ ସମ୍ପନ୍ନ ହୋଇଥିବାବେଳେ ଏହାକୁ ନେଇ ଉଠିଛି ପ୍ରଶ୍ନବାଚୀ । ଧର୍ମ ବିରୋଧୀ ତଥା ଶିଖ ଧର୍ମର ନୀତି ବିରୋଧରେ ଏହି ବିବାହ ହୋଇଛି ବୋଲି ଅକାଲ ତାଖତର ଜାଥେଦର ଜିଆନି ରଦ୍ଧବୀର ସିଂ କହିଛନ୍ତି । ଧାର୍ମିକ ନିୟମ ଉଲଙ୍ଘନ ହୋଇଥିବା ଅଭିଯୋଗ ହୋଇଛି । ଯାହାକୁ ନେଇ ଏବେ ପଞ୍ଜାବରେ ଚର୍ଚ୍ଚାର ବିଷଞ ପାଲଟିଛି । ୨୭ ବର୍ଷୀୟା ଡିମ୍ପଲ ଏବଂ ୨୧ ବର୍ଷୀୟା ମନୀଷା ଗତ ସେପ୍ଟମ୍ବର ୧୮ ତାରିଖରେ ଗୁରୁଦ୍ବାରରେ ନିଜ ପରିବାର ଲୋକଙ୍କ ଆଶିର୍ବାଦକ୍ରମେ ବିବାହ କରିଛନ୍ତି । ଡିମ୍ପଲ ଉଚ୍ଚ ଜାତିର ଶିଖ ହୋଇଥିବାବେଳେ ମନୀଷା ହେଉଛନ୍ତି ଜଣେ ଦଳିତ ହିନ୍ଦୁ ପରିବାରର । ଯାହାକୁ ନେଇ ଏବେ ଧାର୍ମିକ ଭାବନା ଉପରେ ପ୍ରଶ୍ନବାଚୀ ସୃଷ୍ଟି ହେବା ସହ ବିରୋଧର ସ୍ବର ଉଠିଥିବା ଦେଖିବାକୁ ମିଳିଛି । ତେବେ ଏମାନଙ୍କ ପ୍ରେମ କାହାଣୀ ଅନନ୍ୟ ।

ଏମିତି ଆରମ୍ଭ ହୋଇଥିଲା ପ୍ରେମ

ଡିମ୍ପଲ ଏବଂ ମନୀଷାଙ୍କ ପ୍ରେମ ଜିରକପୁରରୁ ଆରମ୍ଭ ହୋଇଛି । କୌଣସି ଏକ କାମରେ ଡିମ୍ପଲ ଜିରକପୁର ଆସିଥିଲେ । ସେଠାରେ ତାଙ୍କର ମନୀଷାଙ୍କ ସହ ଭେଟ ହୋଇଥିଲା । ପ୍ରଥମେ ବନ୍ଧୁତା ଏବଂ ପରେ ପ୍ରେମ । ଶେଷରେ ବିବାହ ବନ୍ଧନରେ ବାନ୍ଧି ହୋଇଥିଲେ । ତେବେ ଏକ ଜାତୀୟ ଗଣମାଧ୍ୟମକୁ ଦେଇଥିତବା ଇଣ୍ଟରଭିୟୁ ସମୟରେ ଡିମ୍ପଲ କହିଛନ୍ତି କି, ମନୀଷାଙ୍କ ପୂର୍ବରୁ ଅନେକ ଝିଅଙ୍କ ସହ ମଧ୍ୟ ପ୍ରେମ ସମ୍ପର୍କରେ ରହିଥିଲେ । ବହୁ ଝିଅଙ୍କୁ ପ୍ରେମ କରିବା ସହ ପରବର୍ତ୍ତୀ ସମୟରେ ବ୍ରେକଅପ ମଧ୍ୟ କରିଛନ୍ତି । ୟୁଟ୍ୟୁବ ଏବଂ ଗଣମାଧ୍ୟମରେ ପ୍ରକାଶିତ କିଛି ସମଲିଙ୍ଗୀ ସମ୍ପର୍କ ବିଷୟରେ ଜାଣିବା ପରେ ସେ ଏଭଳି ପ୍ରେମ ଆରମ୍ଭ କରିଥିବା କହିଛନ୍ତି ।

କିଛି ଝିଅଙ୍କ ସହ ସମ୍ପର୍କରେ ରହି ବ୍ରେକଅପ କରିଥିଲେ । କିନ୍ତୁ ଯେତେବେଳେ ସେ ମନୀଷାଙ୍କ ସହ େଭଟ ହୋଇଥିଲେ ସେ ତାଙ୍କ ପାଇଁ ଜୀବନ ସାଥୀ ହେବେ ବୋଲି ମନ କରିଥିଲେ। ଉଭୟ କିଛି ଘଣ୍ଟା ଏକାଠି ସମୟ ବିତାଇଥିଲେ । ଆଉ ଉଭୟ ଉଭୟଙ୍କୁ ବୁଝିଥିଲେ । ପରେ ମନୀଷାଙ୍କୁ ବିବାହ ପ୍ରସ୍ତାବ ଦେଇଥିଲେ ଡିମ୍ପଲ । ଏଥିରେ ମନୀଷା ରାଜି ହୋଇଥିଲେ । ପରେ ପରିବାର ଲୋକଙ୍କ ସମ୍ମତିକ୍ରମେ ଉଭୟ ଗୁରୁଦ୍ବାରରେ ବିବାହ ବନ୍ଧନରେ ବାନ୍ଧିହେଲେ ।