ଚାକିରି ସଂରକ୍ଷଣକୁ ନେଇ ସରକାରଙ୍କ ନିଷ୍ପତ୍ତି ଉପରେ ରୋକ୍ ଲଗାଇଲେ ହାଇକୋର୍ଟ

ଚଣ୍ଡିଗଡ଼: ହରିଆଣା ରାଜ୍ୟ ସରକାରଙ୍କୁ ବଡ଼ ଧରଣର ଧକ୍କା । ସ୍ଥାନୀୟ ଲୋକଙ୍କ ଲାଗି ଚାକିରି ସଂରକ୍ଷଣ ନେଇ ରାଜ୍ୟ ସରକାରଙ୍କ ନିଷ୍ପତ୍ତି ଉପରେ ରୋକ୍ ଲଗାଇଲେ ପଞ୍ଜାବ ଓ ହରିଆଣା ହାଇକୋର୍ଟ । ଘରୋଇ ଚାକିରି କ୍ଷେତ୍ରରେ ସ୍ଥାନୀୟ ଲୋକଙ୍କ ଲାଗି ୭୫ ପ୍ରତିଶତ କୋଟା ନିଷ୍ପତ୍ତି ନେଇଥିଲେ ରାଜ୍ୟ ସରକାର । ସରକାରଙ୍କ ଏହି ନିଷ୍ପତ୍ତିକୁ ରଦ୍ଦ କରିଛନ୍ତି ପଞ୍ଜାବ ଓ ହରିଆଣା ହାଇକୋର୍ଟ । ଗତ ଜାନୁଆରୀରେ ରାଜ୍ୟରେ ବଳବତ୍ତର ହୋଇଥିଲା ହରିଆଣା ରାଜ୍ୟ କର୍ମଚାରୀ ସ୍ଥାନୀୟ ପ୍ରାର୍ଥୀ ଆଇନ-୨୦୨୦ ।

Haryana Govt's 75% quota for locals in private jobs put on hold by Punjab and Haryana High Court pic.twitter.com/Opm6UvG7lj

— ANI (@ANI) February 3, 2022

ଏହି ଆଇନ ଅନୁସାରେ ମାସିକ ସର୍ବାଧିକ ୩୦ ହଜାର ଟଙ୍କାର ଦରମା ଦେବାର ବ୍ୟବସ୍ଥା ରହିଛି । ଏହା ସହ ଘରୋଇ କମ୍ପାନୀରେ ସ୍ଥାନୀୟ ଲୋକଙ୍କ ଲାଗି ୭୫ ପ୍ରତିଶତ ସଂରକ୍ଷଣ ବ୍ୟବସ୍ଥା ରହିଛି । ରାଜ୍ୟ ଉପମୁଖ୍ୟମନ୍ତ୍ରୀ ଦୃଶ୍ୟନ୍ତ ଚୌତାଲା କହିଥିଲେ- ଏହି ଆଇନ ଦ୍ବାରା ସ୍ଥାନୀୟ ଅଞ୍ଚଳର ହଜାର ହଜାର ଯୁବକଯୁବତୀ ଉପକୃତ ହେବେ । ଗତବର୍ଷ ରାଜ୍ୟ ସରକାର କହିଥିଲେ ଯେ ସମସ୍ତ ଘରୋଇ କମ୍ପାନୀ, ସୋସାଇଟି, ଟ୍ରଷ୍ଟ, ପାର୍ଟନରସିପ୍ ଫାର୍ମ ତଥା ଯେଉଁ ବ୍ୟକ୍ତି ବା କମ୍ପାନୀ ୧୦ କିମ୍ବା ତାହାଠାରୁ ଅଧିକ ଲୋକଙ୍କୁ ନିଯୁକ୍ତି ଦେଇଛନ୍ତି ସେହି କ୍ଷେତ୍ରରେ ଏହି ଆଇନ ପ୍ରଯୁଜ୍ୟ ହେବ ।