ନାସା ସାଟେଲାଇଟକୁ ଚକମା ଦେଇ ପଞ୍ଜାବ ଚାଷୀ ଜାଳୁଛନ୍ତି ନଡ଼ା

ନୂଆଦିଲ୍ଲୀ: ନାସା ସେଟଲାଇଟକୁ ଚକମା ଦେଇ ପାଳ ଜଳାଉଛନ୍ତି ଚାଷୀ  । ନାସା ବୈଜ୍ଞାନିକ ଦାବି କରିଛନ୍ତି ଯେ ପାଳ ଜଳାଇବା ପାଇଁ ଚାଷୀ ପୋଖରଣ ପ୍ଲାନ୍‌ର ବ୍ୟବହାର କରୁଛନ୍ତି  । ଯାହାକି ଅତ୍ୟନ୍ତ ଲଜ୍ୟାଜନ୍ନକ  । ରାଜଧାନୀ ଦିଲ୍ଲୀ ପାଲଟିଛି ଗ୍ୟାସ ଚାମ୍ବର  । ଏଭଳି ସାଙ୍ଘାତିକ ସ୍ଥିତିର କାରଣ ପାଳ ଜଳାଇବା ପାଲଟିଛି  । ବୈଜ୍ଞାନିକ ଏକ ଖୁଲାସା କରିଛନ୍ତି ଯେ ଚାଷୀ ମାନେ ନଡା ଜଳାଇବାର ସମୟ ବଦଳାଇ ଦେଇଛନ୍ତି  । ଯାହାଦ୍ବାରା ସେଟଲାଇଟ ଜରିଆରେ ନିଆଁର ଚିହ୍ନବର୍ଣ୍ଣ ଦିଶିବ ନାହିଁ  ।

ଜଣେ ବୈଜ୍ଞାନିକଙ୍କ କହିବାନୁସାରେ ନାସାର ସେଟଲାଇଟ ଦ୍ବିପ୍ରହର ସାଢେ ୧ଟାରୁ ୨ଟା ମଧ୍ୟରେ ଭାରତ ଓ ପାକିସ୍ତାନ ମଧ୍ୟରେ ଅତିକ୍ରମ କରିଥାଏ  । ଚାଷୀ ସମ୍ଭବତଃ ସାଟେଲାଇଟ ଯିବା ପରେ ନଡା ଜଳାଉଛନ୍ତି  । କାରଣ କୋରିଆ ସାଟେଲାଇଟ GEO KOMPSAT-2A ସାଟେଲାଇଟ ପ୍ରତି ୧୦ ମିନିଟରେ ଡାଟା ରେକର୍ଡ କରିଥାଏ । ଏହି ସାଟେଲାଇଟରୁ ଦ୍ବିପ୍ରହର ପରେ ନଡା ଜଳାଯାଉଥିବା ଘଟଣା ଅତ୍ୟଧିକ ଦେଖିବାକୁ ମିଳିଛି  ।

ବୈଜ୍ଞାନିକଙ୍କ ଏଭଳି ଦାବିକୁ ଖଣ୍ଡନ କରିଛନ୍ତି ସ୍ଥାନୀୟ ଅଧିକାରୀ  । ପଞ୍ଜାବ ରିମୋଟ ସେସିଙ୍ଗ ସେଣ୍ଟର ଇସ୍ରୋ ଓ ନାସା ସାଟେଲାଇଟର ବ୍ୟବହାର କରି ନଡା ଜଳାଇବା ଘଟଣାକୁ ରେକର୍ଡ କରିଥାଏ  । ସାଟେଲାଇଟରୁ ବଞ୍ଚିବା ଅଭିଯୋଗ ବୈଜ୍ଞାନିକଙ୍କ କଳ୍ପନା ବୋଲି କହିଛନ୍ତି ଅଧିକାରୀ  । ସେପଟେ ସନ୍ଧ୍ୟା ୪ଟା ପରେ ନଡା ଜାଳିବାକୁ ପ୍ରଶାସନ କହୁଥିବା ଦାବି କରିଛନ୍ତି  ।