ନୂଆଦିଲ୍ଲୀ: ଥମୁନି ପଞ୍ଜାବ କଂଗ୍ରେସ ବିବାଦ। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଓ ରାହୁଲ ଗାନ୍ଧିଙ୍କୁ ପୁଣି ଭେଟିଲେ ନବଜୋତ ସିଂ ସିଦ୍ଧୁ। ଦଳରେ ସ୍ଥିରତା ଫେରାଇ ଆଣିବା ଉଦ୍ଦେଶ୍ୟରେ ଗତରାତିରେ ବିଦ୍ରୋହୀ ଗୋଷ୍ଠୀର ଏକ ବୈଠକ ପରେ ଗାନ୍ଧିଙ୍କୁ ସିଦ୍ଧୁ ଭେଟିବା ଗୁରୁତ୍ୱପୂର୍ଣ୍ଣ ହୋଇଛି। ପିସିସି ସଭାପତି ସୁନୀଲ ଜାଖଡଙ୍କୁ ହଟାଇ ତାଙ୍କ ସ୍ଥାନରେ ନବଜୋତଙ୍କୁ ପିସିସି କରିବା ଲାଗି ଯେଉଁ ଉଦ୍ୟମ ଚାଲିଛି ତାହାକୁ ମୁଖ୍ୟମନ୍ତ୍ରୀ ଅମରିନ୍ଦର ସିଂ ବିରୋଧ କରୁଥିବା କୁହାଯାଉଛି। ସିଦ୍ଧୁଙ୍କୁ ଏହି ପଦବି ଦିଆଯାଉଥିବା ନେଇ ଖବର ପ୍ରକାଶ ପାଇବା ପରେ ରାଜ୍ୟ କଂଗ୍ରେସର ହଲଚଲ ସୃଷ୍ଟି ହୋଇଥିଲା। ଗତକାଲି ରାତିରେ ଅମରିନ୍ଦର ଓ ସିଦ୍ଧୁ ନିଜ ନିଜର ସମର୍ଥକ ବିଧାୟକ ଓ ମନ୍ତ୍ରୀଙ୍କୁ ନେଇ ସ୍ୱତନ୍ତ୍ର ବୈଠକ ଆୟୋଜନ କରିଥିଲେ। ସିଦ୍ଧୁଙ୍କ ଶିବିରରେ ୩ କ୍ୟାବିନେଟ ମନ୍ତ୍ରୀ ଓ ୬ ଜଣ ବିଧାୟକ ଯୋଗ ଦେଇଥିଲେ।
