ବିବାହ ବନ୍ଧନରେ ବାନ୍ଧିହେଲେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ୍

ଚଣ୍ଡିଗଡ଼: ବିବାହ ବନ୍ଧନରେ ବାନ୍ଧି ହେଲେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ସିଂହ ମାନ୍ । ଡକ୍ଟର ଗୁରପ୍ରୀତ କୌରଙ୍କୁ ବିବାହ କରିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ । ଚଣ୍ଡିଗଡ଼ର ସେକ୍ଟର ୮ ସ୍ଥିତ ଗୁରୁଦ୍ୱାରା ସାହିବରେ ବିବାହ ଉତ୍ସବ ସମ୍ପନ୍ନ ହୋଇଛି । ଆମ ଆଦମୀ ପାର୍ଟିର ବହୁ ବିଧାୟକ ନେତା ବିବାହ ଉତ୍ସବରେ ସାମିଲ ହୋଇଥିଲେ । ଆମ ଆଦମୀ ପାର୍ଟି ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀଓ୍ୱାଲ, ରାଘବ ଚଡ୍ଡା ପ୍ରମୁଖ ମାନଙ୍କ ବିବାହ ଉତ୍ସବରେ ଯୋଗଦେଇଥିଲେ ।

Visuals from the wedding ceremony of Punjab CM Bhagwant Mann who tied the knot with Dr Gurpeet Kaur in a close-knit ceremony in Chandigarh this afternoon pic.twitter.com/sADeugQ7fg

— ANI (@ANI) July 7, 2022

ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ୍ ଓ ପ୍ରଥମ ପତ୍ନୀଙ୍କ ମଧ୍ୟରେ ୨୦୧୫ରେ ବିବାହ ବିଚ୍ଛେଦ ହୋଇଥିଲା । ପ୍ରଥମ ବିବାହରୁ ମାନଙ୍କ ଦୁଇ ସନ୍ତାନ ଅଛନ୍ତି । ପିଲାମାନେ ମାଆଙ୍କ ସହ ସେମାନେ ଏବେ ଆମେରିକାରେ ରହୁଛନ୍ତି । ମାନ୍ ରାଜନୀତିକୁ ଆସିଥିବାରୁ ସେ ଖୁସି ନ ଥିଲେ ବୋଲି କୁହାଯାଉଛି । ପରିବାର ଛାଡ଼ି ସେ ପଞ୍ଜାବକୁ ବାଛିଛନ୍ତି ବୋଲି ପ୍ରଥମ ପତ୍ନୀଙ୍କ ସହ ବିବାହ ବିଚ୍ଛେଦ ପରେ ଭଗବନ୍ତ ମାନ୍ କହିଥିଲେ ।