ଡିସେମ୍ବର ୧ରୁ ପଞ୍ଜାବରେ ରାତ୍ରୀ କର୍ଫ୍ୟୁ ଘୋଷଣା, ନିୟମ ଭାଙ୍ଗିଲେ ୧୦୦୦ ଟଙ୍କା ଜରିମାନା

ଚଣ୍ଡିଗଡ଼: ଦିଲ୍ଲୀ-ଏନସିଆରରେ କରୋନାର ଗମ୍ଭୀର ସ୍ଥିତି ଏବଂ ପଞ୍ଜାବରେ ଏହାର ଦ୍ୱିତୀୟ ଲହରୀର ସଙ୍କେତକୁ ଆଖି ଆଗରେ ରଖି ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରେନ୍ଦ୍ର ସିଂହ ବୁଧବାର ରାଜ୍ୟରେ ଅନେକ ପ୍ରତିବନ୍ଧ ଲଗାଇବା ପାଇଁ ନିର୍ଦ୍ଦେଶ ଦେଇଛନ୍ତି । ନିର୍ଦ୍ଦେଶାବଳୀରେ ରାଜ୍ୟର ବିଭିନ୍ନ ସହରରେ ରାତ୍ରୀ କର୍ଫ୍ୟୁ ମଧ୍ୟ ସାମିଲ ରହିଛି । ଏହା ସହିତ ମାକ୍ସ ନପିନ୍ଧିଲେ ବା ସାମାଜିକ ଦୂରତା ପାଳନ ନକଲେ ଜରିମାନା ଭଳି ଦଣ୍ଡ ପ୍ରାବଧାନ ରହିଛି । ଏହି ନିର୍ଦ୍ଦେଶର ସମୀକ୍ଷା ଡିସେମ୍ବର ୧୫ ତାରିଖରେ କରାଯିବ ।

ନିର୍ଦ୍ଦେଶନାମାରେ ଉଲ୍ଲେଖ କରାଯାଇଛି ଯେ, ସମସ୍ତ ହୋଟେଲ, ରେଷ୍ଟୁରାଣ୍ଟ ଏବଂ ବିବାହ ମଣ୍ଡପ ଗୁଡ଼ିକ ରାତି ୯ଟା ୩୦ ପର୍ଯ୍ୟନ୍ତ ଖୋଲା ରହିପାରିବ । ରାତ୍ରୀ କର୍ଫ୍ୟୁ ୧୦ଟାରୁ ଆରମ୍ଭ ହୋଇ ସକାଳ ୫ଟା ଯାଏ  ଲାଗୁ କରାଯିବ । କୌଣସି ମତେ ଲୋକମାନଙ୍କୁ ଏହି ନିୟମ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ କ୍ୟାପଟେନ ଅମରେନ୍ଦ୍ର ସିଂହ । ତେବେ କୋଭିଡ ନିୟମ ଉଲଙ୍ଘନ କରିବାର ଜୋରିମାନାକୁ ୫୦୦ ଟଙ୍କାରୁ ବୃଦ୍ଧି କରି ୧୦୦୦ ଟଙ୍କା କରାଯାଇଛି ।