୭୦ ଫୁଟ ଗଭୀର ବୋରଓ୍ବେଲରେ ଫସିଲେ ଶ୍ରମିକ

ଅମୃତସର: ବୋରଓ୍ବେଲ ଭିତରେ ଫସିଗଲେ ଜଣେ ଶ୍ରମିକ । ପ୍ରାୟ ୭୦ଫୁଟ ଗଭୀରରେ ଶ୍ରମିକ ଜଣଙ୍କ ଫସି ରହିଥିବା ସୂଚନା ମିଳିଛି । ପଞ୍ଜାବର ଜଳନ୍ଧର ଜିଲ୍ଲା ଅନ୍ତର୍ଗତ କର୍ତ୍ତାରପୁରରୁ ଆସିଛି ଏଭଳି ଖବର । ବୋରଓ୍ବେଲ ଭିତରେ ଥିବା କେତେକ ଯନ୍ତ୍ରାଂଶକୁ ବାହାର କରିବା ଲାଗି ସୁରେଶ ଓ ଅନ୍ୟ ଜଣେ ଶ୍ରମିକ ବୋରଓ୍ବେଲ ଭିତରକୁ ଯାଇଥିବାବେଳେ ବାଲି ଧସିଯାଇଥିଲା । ଜଣେ ଶ୍ରମିକ କୌଣସିମତେ ଉଦ୍ଧାର ହୋଇଥିବାବେଳେ ସୁରେଶ ଫସିଯାଇଥିଲେ । ଜିଲ୍ଲା ପ୍ରଶାସନ ଓ ଏନଡିଆରଏଫ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଦିଲ୍ଲୀ-କାଟରା ଏକ୍ସପ୍ରେସ ପ୍ରକଳ୍ପ ଲାଗି ପିଲର ଖୋଳାଯାଉଥିବାବେଳେ ଏହି ଦୁର୍ଘଟଣା ଘଟିଛି ।