ଚାଷୀ ନେତା ଜଗଜିତ ସିଂ ଦାଲେୱାଲଙ୍କୁ ଭେଟିଲା ପଞ୍ଜାବ ଆପ୍

ଚଣ୍ଡିଗଡ଼ : ଆମରଣ ଅନଶନରତ ଚାଷୀ ନେତା ଜଗଜିତ ସିଂ ଦାଲେୱାଲଙ୍କୁ ଭେଟିଲା ପଞ୍ଜାବ ଆପ୍। ଚାଷୀ ସମ୍ପର୍କିତ ବିଭିନ୍ନ ଦାବି ନେଇ ଆମରଣ ଅନଶନ କରିଆସୁଛନ୍ତି ଦାଲେୱାଲ। ତାଙ୍କ ସ୍ବାସ୍ଥ୍ୟାବସ୍ଥାରେ ଗୁରୁତର ଅବନତି ହୋଇଥିବା  ପରିଲକ୍ଷିତ ହୋଇଛି। ଦାଲେୱାଲଙ୍କ ଆମରଣ ଅନଶନ ପହଞ୍ଚିଛି ୩୨ ଦିନରେ। ଗତକାଲି ପଞ୍ଜାବ ଆପ୍ ସଭାପତି ଅମନ ଅରୋରା, ମନ୍ତ୍ରୀ ଗୁରମିତ ସିଂ କୁଦିଆନ, ବଲବୀର ସିଂ, ବାରିନ୍ଦର କୁମାର ଗୋୟଲ, ହରଦୀପ ସିଂ ମୁଣ୍ଡିଆନ ପ୍ରମୁଖ ଆସି ଦାଲେୱାଲଙ୍କୁ ଭେଟିଥିଲେ। ଶସ୍ୟର ଏମଏସପି ଲାଗି ଆଇନଗତ ଗ୍ଯାରେଣ୍ଟି ସମେତ ଅନ୍ଯାନ୍ୟ ଦାବି ନେଇ ଗତ ନଭେମ୍ବର ୨୬ରୁ ଖାନାଉରି ସୀମାରେ ଅନଶନ କରିଆସୁଛନ୍ତି ୭୦ ବର୍ଷ ବୟସ୍କ ଦାଲେୱାଲ। ଦାଲେୱାଲଙ୍କ ସ୍ବାସ୍ଥ୍ୟାବସ୍ଥା କ୍ରମଶଃ ବିଗିଡିବାରେ ଲାଗିଛି।