ବିଷାକ୍ତ ମଦ ପିଇ ପଞ୍ଜାବରେ ୪ ଜଣଙ୍କର ମୃତ୍ୟୁ

ନୂଆଦିଲ୍ଲୀ: ବିଷାକ୍ତ ମଦ ପିଇ ପଞ୍ଜାବର ସଙ୍ଗରୁରେ ୪ ଜଣଙ୍କର ମୃତ୍ୟୁ। ଦିର୍ବା ଥାନା ଅଧୀନସ୍ଥ ଗୁଜରନ ଗାଁରେ ଏଭଳି ଅଭାବନୀୟ ଘଟଣା ଘଟିଛି। ପୁଲିସ ଉକ୍ତ ଘଟଣାର ତଦନ୍ତ ଆରମ୍ଭ କରିଛି। ୪ଜଣ ବ୍ଯକ୍ତି ମଦ ପିଇବା ପରେ ଅସୁସ୍ଥ ହୋଇ ପଡିଥିଲେ। ପରେ ସେମାନଙ୍କର ମୃତ୍ୟୁ ହୋଇଯାଇଛି। ମଦ ଯୋଗାଣ କରିଥିବା ଲୋକଙ୍କୁ ଚିହ୍ନଟ କରାଯାଇଥିବା ବେଳେ ଖୁବଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ପୋଲିସ୍ କହିଛି। ମୃତ ବ୍ୟକ୍ତିମାନେ ହେଲେ ଭୋଲା ସିଂ, ନିର୍ମଲ ସିଂ ଓ ପରଗେଟ୍ ସିଂ ଏବଂ ଜଗଜିତ୍ ସିଂ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ରାତିରେ ମଦ ପିଇବା ପରେ ସକାଳୁ ଗାଁ ରାସ୍ତାରେ ସେମାନଙ୍କର ମୃତଦେହ ପଡିଥିବା ଦେଖିବାକୁ ମିଳିଥିଲା। ୨୦୨୩ ଏପ୍ରିଲରେ ମଧ୍ୟ ସଙ୍ଗରୁରରେ ବିଷାକ୍ତ ମଦ ପିଇ ୩ ଶ୍ରମିକଙ୍କର ମୃତ୍ୟୁ ହୋଇଥିଲା । ସେହିପରି ୨୦୨୦ ଅଗଷ୍ଟରେ ପଂଜାବର ୩ଟି ଜିଲ୍ଲାରେ ବିଷାକ୍ତ ମଦ ପିଇ ୧୧୨ ଜଣଙ୍କର ମୃତ୍ୟୁ ହୋଇଥିଲା।