ପୁନେ ଦିନିକିଆ, ଇଂଲଣ୍ଡ ଆଗରେ ୩୩୦ ରନର ବିଜୟ ଲକ୍ଷ୍ୟ

ପୁନେ: ତିନିଟିକିଆ ଦିନିକିଆ ସିରିଜର ଶେଷ ମ୍ୟାଚ୍ ପୁନେରେ ଖେଳାଯାଉଛି । ଅନ୍ତିମ ମ୍ୟାଚରେ ଟସ୍ ଜିତି ଭ୍ରମଣକାରୀ ଦଳ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ଘରୋଇ ଦଳ ୧୦୩ ରନର ସ୍କୋର ପରେ ପ୍ରଥମ ୱିକେଟ ଭାବେ ରୋହିତ ଶର୍ମା ଆଉଟ୍ ହୋଇଥିଲେ । ଭାରତ ପକ୍ଷରୁ ରିଷଭ ପନ୍ତ ୭୮ ରନ୍, ଶିଖର ଧୱନ୍ ୬୭ ରନ୍, ହାର୍ଦ୍ଦିକ ପାଣ୍ଡ୍ୟା ୬୪ ରନ୍ କରିଥିଲେ ।

ଭାରତୀୟ ଦଳର ଅଧିନାୟକ ବିରାଟ କୋହଲି ଓ କେଏଲ୍ ରାହୁଲ୍ ମାତ୍ର ୭ ରନ୍ ଲେଖାଁ ସ୍କୋର କରି ଆଉଟ୍ ହୋଇଛନ୍ତି । ଭାରତ ୪୮ ଓଭରରେ ସମସ୍ତ ୱିକେଟ୍ ହରାଇ ୩୨୯ ରନ୍ କରିବାରେ ସକ୍ଷମ ହୋଇଛି । ଇଂଲଣ୍ଡ ଆଗରେ ରହିଛି ୩୩୦ ରନର ବିଜୟ ଲକ୍ଷ୍ୟ ।

ଇଂଲଣ୍ଡ ପକ୍ଷରୁ ମାର୍କ ଉଡ୍ ୩ଟି ୱିକେଟ୍ ନେଇଥିବା ବେଳେ ଅଦିଲ ରସିଦ ୨ଟି ୱିକେଟ୍ ନେଇଛନ୍ତି । ତିନିଟିକିଆ ଦିନିକିଆ ସିରିଜ ୧-୧ରେ ବରାବର ଥିବାବେଳେ ଆଜି ଯେଉଁ ଦଳ ଜିତିବ ସିରିଜ୍ ତା’ର ହେବ । ପୂର୍ବରୁ ଖେଳା ଯାଇଥିବା ଟେଷ୍ଟ ଓ ଟି-ଟ୍ୱେଣ୍ଟିକୁ ଭାରତ ଅକ୍ତିଆର କରିଥିବା ବେଳେ ଦିନିକିଆ ସିରିଜ୍ ଉପରେ ନଜର ରହିଛି ।