ପୁନାରେ ତିଆରି ହେବ ୧୦୦ କୋଟି କୋଭିଡ୍-୧୯ ଭ୍ୟାକ୍ସିନ୍
1 min readପୁନା: କରୋନା ଭାଇରସ ବିରୋଧରେ ଯୁଦ୍ଧ ଭିତରେ ଗୋଟିଏ ଭଲ ଖବର ଆସିଛି । ଅକ୍ସଫୋର୍ଡ ବିଶ୍ୱବିଦ୍ୟାଳୟର ସମ୍ଭାବିତ ଭ୍ୟାକ୍ସିନ୍ର ସ୍ପପ୍ଲାଏ ପାଇଁ ବ୍ରିଟିଶ-ସୁଇସ ଫର୍ମାସୁଟିକାଲ କମ୍ପାନୀ ଆଷ୍ଟ୍ରାଜେନେକା ଭାରତ ସହ ହାତ ମିଳାଇଛି । ଆଷ୍ଟ୍ରାଜେନେକା ଅନୁସାରେ ଭ୍ୟାକ୍ସିନ୍ ସପ୍ଲାଏ ପାଇଁ ଏହା ପୁନା ସ୍ଥିତ ସେରମ ଇନଷ୍ଟିଚ୍ୟୁଟ୍ ସହ ଲାଇସେନ୍ସ ଚୁକ୍ତି କରିବାକୁ ଯାଉଛି । ଏହି ଦୁଇ ସଂସ୍ଥା ମିଳିତ ଭାବେ ୧ଶହ କୋଟି କରୋନା ଭ୍ୟାକ୍ସିନ୍ ଭାରତ ସମେତ ଅନ୍ୟ କମ ଆୟ ବିଶିଷ୍ଟ ଦେଶକଙ୍କୁ ରପ୍ତାନି କରିବେ । ଏହାମଧ୍ୟରୁ ୪୦ କୋଟି ଭ୍ୟାକ୍ସିନ୍ ୨୦୨୦ ଶେଷସୁଧା ସପ୍ଲାଏ କରିବା ଲକ୍ଷ୍ୟ ରଖାଯାଇଛି ।
ଅକ୍ସଫୋର୍ଡର ଭ୍ୟାକ୍ସିନ୍ ସହ କମ କରୁଛି SII
କରୋନା ଭ୍ୟାକ୍ସିନ୍ ତିଆରି ରେସରେ ଅକ୍ସଫୋର୍ଡ ବିଶ୍ୱବିଦ୍ୟାଳୟ ସଭା ଆଗରେ ଅଛି । ଏହାର ଭ୍ୟାକ୍ସିନର ଟ୍ରାଏଲ ଦ୍ୱିତୀୟ ଫେଜରେ ପହଂଚି ସାରିଛି । ଅନ୍ୟପକ୍ଷରେ ପୁନା ସ୍ଥିତ ଏସଆଇଆଇ ଏଠାରେ ବିକଶିତ ହେବାକୁ ଥିବା ଭ୍ୟାକ୍ସିନ୍ ଉପରେ କାମ କରୁଛି ।
୧୦ ହଜାର ଲୋକଙ୍କ ଉପରେ ହେବ ଭ୍ୟାକ୍ସିନ୍ ଟ୍ରାଏଲ
ନିକଟରେ ଅକ୍ସଫୋର୍ଡ ବିଶ୍ୱବିଦ୍ୟାଳୟ AZD1222 ଦ୍ୱିତୀୟ ଓ ତୃତୀୟ ଫେଜର ଟ୍ରାଏଲ ଘୋଷଣା କରିଥିଲା ଯେଉଁଥିରେ ୧୦ ହଜାର ଲୋକଙ୍କୁ ଭ୍ୟାକ୍ସିନ ଦିଆଯିବ । ଅନେକ ଦେଶରେ ଏହାର ବାକି ଟ୍ରାଏଲ ଆରମ୍ଭ ହେବ । ବ୍ରାଜିଲ ଅକ୍ସଫୋର୍ଡକୁ କରୋନା ଭ୍ୟାକ୍ସିନର କ୍ଲିନିକାଲ ଟ୍ରାଏଲ ପାଇଁ ଅନୁମତି ଦେଇଛି ।
ବର୍ଷ ଶେଷ ସୁଧା ଭ୍ୟାକ୍ସିନ ଡେଲିଭରି
ବ୍ରିଟିଶ ଔଷଧ ପ୍ରସ୍ତୁତକାରି ନୂଆ ଭ୍ୟାକ୍ସିନ ନିର୍ମାଣ ଓ ବିତରଣରେ ସାହାଯ୍ୟ କରୁଥିବା ସଂସ୍ଥା ସେପି ଓ ଗଭି ସହ ୭୫୦ ମିଲିୟନ ଡଲାରର ଚୁକ୍ତି କରିଛି । ଏହା ମାଧ୍ୟମରେ ସମ୍ଭାବିତ ଭ୍ୟାକ୍ସିନର ୩୦ କୋଟି ଡୋଜ୍ କ୍ରୟ ଓ ବିତରଣ ହେବ । ଭ୍ୟାକ୍ସିନ୍ ଡେଲିଭରି ଚଳିତ ବର୍ଷ ଅନ୍ତ ସୁଧା ଆରମ୍ଭ ହେବା ସମ୍ଭାବନା ରହିଛି ।
୫୦ ବର୍ଷ ଧରି SII ବିଶ୍ୱ ସ୍ତରୀୟ ଭ୍ୟାକ୍ସିନ୍ ତିଆରି କରି ଆସୁଛି
ଏସଆଇଆଇ ସିଇଓଙ୍କ ଅନୁସାରେ ସେମାନେ ଭାରତ ସମେତ ଅନ୍ୟ କମ ଆୟ ବିଶିଷ୍ଟ ଦେଶଙ୍କୁ ସପ୍ଲାଇ କରିବା ପାଇଁ ଆଷ୍ଟ୍ରାଜେନେକା ସହ ଚୁକ୍ତି କରି ଅତ୍ୟନ୍ତ ଖୁସୀ ଅଛନ୍ତି । ଗତ ୫୦ ବର୍ଷ ଧରି ଏସଆଇଆଇ ବିଶ୍ୱ ସ୍ତରୀୟ ଭ୍ୟାକ୍ସିନ୍ ତିଆରି କରିଆସୁଛି ।
ତିନି ଭ୍ୟାକ୍ସିନ୍ କ୍ୟାଣ୍ଡିଡେଟ୍ ସହ କାମ କରୁଛି ଏସଆଇଆଇ
ପୁନାସ୍ଥିତ ଏସଆଇଆଇ ବର୍ତ୍ତମାନ ଇଂଲଣ୍ଡର ଅକ୍ସଫୋର୍ଡ,ଆମେରିକାର କୋଡେଜେନିକ୍ସି ଓ ଅଷ୍ଟ୍ରେଲିଆର ବାୟୋଟେକ୍ ଫାର୍ମ ଥେମିସ ଦ୍ୱାରା ବିକଶିତ କ୍ୟାଣ୍ଡିଡେଟ୍ ଉପରେ କାମ କରୁଛି ।ତେବେ ଅକ୍ସଫୋର୍ଡ ଦ୍ୱାରା ତିଆରି କରାଯାଇଥିବା ଭ୍ୟାକ୍ସିନକୁ ନେଇ ଏସଆଇଆଇ ଅଧିକ ଆଶାନ୍ୱିତ ଅଛି । ଅନ୍ୟ ଦୁଇ ଭ୍ୟାକ୍ସିନ୍ ତୁଳନାରେ ଅକ୍ସଫୋର୍ଡ ଭ୍ୟାକ୍ସିନ୍ ଟ୍ରାଏଲରେ ଆଗରେ ଥିବା ସିଆଇଆଇ କହୁଛି ।
