PUCC କରାଇବାର ଅବଧି ମାର୍ଚ୍ଚ ୩୧ ଯାଏ ବଢିଲା। ଏପ୍ରିଲ ପହିଲାରୁ କଡ଼ାକଡ଼ି ଯାଞ୍ଚ କରାଯିବ। ଏହା କହିଛନ୍ତି ବାଣିଜ୍ୟ ଓ ପରିବହନ ମନ୍ତ୍ରୀ ବିଭୁତି ଭୂଷଣ ଜେନା। ମାର୍ଚ୍ଚ ୩୧ ଭିତରେ ନ କଲେ ଆଉ ଅବଧି ବଢାଯିବ ନାହିଁ। ଏହା ସହିତ ମନ୍ତ୍ରୀ କହିଛନ୍ତି, ଗ୍ରୀନ୍ ଷ୍ଟିକର ବାଧ୍ୟତାମୂଳକ ନୁହେଁ। ଯେଉଁମାନେ PUCC ନେଇଛନ୍ତି, ସେମାନଙ୍କୁ RTO ଅଫିସରେ ଗ୍ରୀନ୍ ଷ୍ଟିକର ଦେଇଦେବୁ। FAKE CERTIFICATE ଅନିୟମିତତା ଆସିବା ପରେ ୪୨ଟି ଏୟାର ପଲ୍ୟୁସନ ଟେଷ୍ଟିଂ ସେଣ୍ଟରର ଲାଇସେନସ ବାତିଲ କରାଯାଇଛି।
ନୂଆ ସେଣ୍ଟର ପାଇଁ ଆବେଦନ ଆସିଲେ ୨୪ ଘଣ୍ଟାରେ ଅନୁମୋଦନ ମିଳିବ। ଯାହାର ଫାଇନ ଅଛି, ମୋବାଇଲ ନମ୍ବର କାରଣରୁ ଦ୍ଵନ୍ଦ୍ଵ ସୃଷ୍ଟି ହେଉଛି। ONE TIME SETTLEMENT ସୁବିଧା ଦିଆଯାଇଛି। ଯେଉଁମାନଙ୍କର ଅସୁବିଧା ଅଛି RTO ରେ ଯାଇ ମୋବାଇଲ ନମ୍ବର ସୁଧାରି ନିଅନ୍ତୁ ବୋଲି କହିଛନ୍ତି ପରିବହନ ମନ୍ତ୍ରୀ। ଆଜି ଏହି ପ୍ରସଙ୍ଗରେ ମନ୍ତ୍ରୀଙ୍କ ଘରେ ଏକ ବୈଠକ ବସିଥିଲା। ବୈଠକରେ ପରିବହନ ସଚିବ ଉଷା ପାଢୀ ବି ଉପସ୍ଥିତ ଥିଲେ।
