ବଜେଟରେ ଅର୍ଥ ବରାଦ ପରେ ସମାକୋଇ-ଚକଧର ପ୍ରକଳ୍ପକୁ ନେଇ ତେଜିଲା ବିରୋଧ

ତେଲକୋଇ: ରାଜ୍ୟ ସରକାରଙ୍କ ବଜେଟରେ ଅର୍ଥ ବରାଦ ପରେ ତେଲକୋଇରେ ଚକଧର ପ୍ରକଳ୍ପକୁ ନେଇ ତେଜିଲା ବିରୋଧ । ଚଳିତ ଜୁଲାଇ ମାସରେ ରାଜ୍ୟ ସରକାରଙ୍କ ପ୍ରଥମ ବଜେଟରେ ଚକଧର ପ୍ରକଳ୍ପ ପାଇଁ ଅର୍ଥ ବରାଦ ପରେ ତେଲକୋଇ ଅଞ୍ଚଳ ଜଳମଗ୍ନ ହେବା ଆଶଙ୍କାରେ ଲୋକେ ଭୟଭୀତ ଅଛନ୍ତି । ପ୍ରସ୍ତାବିତ ସମାକୋଇ-ଚକଧର ଜଳସେଚନ ପ୍ରକଳ୍ପ ନିର୍ମାଣ ହେଲେ କେନ୍ଦୁଝର ଜିଲ୍ଲା ତେଲକୋଇ ବ୍ଲକ୍ ଜଳମଗ୍ନ ହେବ, ହେଲେ ଇଞ୍ଚେ ବି ଜମି ଜଳସେଚିତ ହେବ ନାହିଁ ବୋଲି ଲୋକେ ଅଭିଯୋଗ କରିଛନ୍ତି ।

ଚକଧର ପ୍ରକଳ୍ପ ପାଇଁ ବଜେଟ ଆସିବା ପରେ ତେଲକୋଇ ଅଞ୍ଚଳ ଜଳମଗ୍ନ ହେବା ଆଶଙ୍କାରେ ଲୋକେ ଭୟଭୀତ ଅଛନ୍ତି । ପ୍ରସ୍ତାବିତ ସମାକୋଇ-ଚକଧର ଜଳସେଚନ ପ୍ରକଳ୍ପ ନିର୍ମାଣ ହେଲେ କେନ୍ଦୁଝର ଜିଲ୍ଲା ତେଲକୋଇ ବ୍ଲକ୍ ଜଳମଗ୍ନ ହେବ । ହେଲେ ଇଞ୍ଚେ ବି ଜମି ଜଳସେଚିତ ହେବ ନାହିଁ ବୋଲି ଲୋକେ ଅଭିଯୋଗ କରିଛନ୍ତି । ତେଣୁ ଏହାକୁ ବିରୋଧ କରିଛନ୍ତି ତେଲକୋଇବାସୀ ।

ଲୋକଙ୍କ ବିରୋଧକୁ ଦେଖି ତେଲକୋଇ ବିଧାୟକ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ । କରଦାଙ୍ଗି ଗାଁ ହାଟ ପଡ଼ିଆଠାରେ ଏକ ବୈଠକ ଅନୁଷ୍ଠିତ ହୋଇଥିଲା । ସମାକୋଇ ନଦୀ ଉପରେ ବିକଳ୍ପ ବ୍ୟବସ୍ଥା କରି ଅନୁଗୁଳ ଜିଲ୍ଲାକୁ ଜଳସେଚିତ କରିବା ପାଇଁ ପ୍ରସ୍ତାବ ଦିଆଯାଇଥିଲା । ଲୋକଙ୍କ ମୁହଁରୁ ଚକଧର ପ୍ରକଳ୍ପକୁ ନେଇ ସମସ୍ୟା ଶୁଣିବା ପରେ ବିଧାୟକ ଏହାର ସମାଧାନ ଦିଗରେ ବିହିତ ପଦକ୍ଷେପ ଗ୍ରହଣ କରିବେ ବୋଲି ପ୍ରତିଶ୍ରୁତି ଦେଇଥିଲେ । ବିଧାୟକଙ୍କ ନେତୃତ୍ବରେ ତେଲକୋଇରୁ ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କୁ ଭେଟି ଲୋକଙ୍କ ସମସ୍ୟାକୁ ଉପସ୍ଥାପନ କରିବା ନେଇ ବୈଠକରେ ନିଷ୍ପତ୍ତି ହୋଇଥିଲା ।

ବିଧାୟକଙ୍କ ପ୍ରତିଶ୍ରୁତି ଚକଧର ପ୍ରକଳ୍ପକୁ ବନ୍ଦ କରିବାରେ କେତେଦୂର ସହାୟକ ହେବ ଓ ଲୋକଙ୍କ ଦୀର୍ଘଦିନର ସମସ୍ୟା ଦୂର ହେବ ବି ନାହିଁ ତାହା ଦେଖିବାକୁ ବାକି ରହିଲା ।