କୋଲକାତା ଟ୍ରେନି ଡାକ୍ତର ଦୁଷ୍କର୍ମ ଓ ହତ୍ଯା ଘଟଣା: ବିଶ୍ବର ବିଭିନ୍ନ ଦେଶରେ ଉଠିଲା ପ୍ରତିବାଦର ଝଡ଼

ନନ୍ଦିଘୋଷ ବ୍ୟୁରୋ: କୋଲକାତା ଆରଜି କର ମେଡିକାଲ କଲେଜ ଓ ହସ୍ପିଟାଲ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ଯା ଘଟଣା । ବିଶ୍ବର ୨୫ ରାଷ୍ଟ୍ରର ୧୩୦ ସହରରେ ପ୍ରତିବାଦ ଦେଖିବାକୁ ମିିଳିଛି। ‘ଜଷ୍ଟିସ ଫର୍ ଅଭୟା’ ନାମରେ ସାରା ବିଶ୍ବରେ ଏହି ପ୍ରତିବାଦ କରାଯାଇଛି। ଆମେରିକା, ବ୍ରିଟେନ, କାନାଡା, ଆୟାରଲ୍ଯାଣ୍ଡ, ଜର୍ମାନୀ, ନେଦରଲ୍ଯାଣ୍ଡସ, ସୁଇଜରଲ୍ଯାଣ୍ଡ, ସୁଇଡେନ, ଚେକ୍, ସ୍ପେନ, ଅଷ୍ଟ୍ରେଲିଆ, ନ୍ଯୁଜିଲ୍ଯାଣ୍ଡ, ଜାପାନ, ତାଇୱାନ, ସିଙ୍ଗାପୁର ଆଦି ଦେଶରେ କରାଯାଇଛି ବିକ୍ଷୋଭ। ବିଭିନ୍ନ ଆନ୍ତର୍ଜାତିକ ସଂଗଠନ ପକ୍ଷରୁ ଏହି ଆହ୍ବାନ ଦିଆଯାଇଥିଲା।

ସେହିପରି କୋଲକାତାରେ ବି ହଜାର ହଜାର ଲୋକ ନ୍ଯାୟ ଦାବି କରିଛନ୍ତି। କ୍ୟାଣ୍ଡେଲ୍ ରାଲି କରି ପ୍ରତିବାଦ କରିଯାଉଛି। ପ୍ରାୟ ମାସକ ତଳେ କୋଲକାତାର ଏହି ଘଟଣା ସାରା ଦେଶକୁ ଦୋହଲାଇ ଦେଇଥିଲା। କେବଳ ଡାକ୍ତର ନୁହନ୍ତି, ସାଧାରଣ ନାଗରିକ, ଛାତ୍ରଛାତ୍ରୀ, ମହିଳା, ସାମାଜିକ କର୍ମୀ ଆନ୍ଦୋଳନକୁ ଓହ୍ଲାଇଥିଲେ। ସ୍ଥିତି ଏପରି ହୋଇଥିଲା ଯେ ପଶ୍ଚିମବଙ୍ଗ ବିଧାନସଭାରେ ଦୋଷୀସାବ୍ଯସ୍ତ ଦୁଷ୍କର୍ମକାରୀଙ୍କୁ ଫାଶୀଦଣ୍ଡ ଦେବା ସଂକ୍ରାନ୍ତ ସ୍ବତନ୍ତ୍ର ବିଲ୍ ଅପରାଜିତା ପାସ୍ ହୋଇଥିଲା।