ଫ୍ରେଞ୍ଚ ଓପନ ସେମିଫାଇନାଲ; କୋର୍ଟ ଭିତରକୁ ଚାଲି ଆସିଲେ ଯୁବତୀ; ଦୌଡ଼ି ଚାଲିଗଲେ ଖେଳାଳି

ନୂଆଦିଲ୍ଲୀ: ଫ୍ରେଞ୍ଚ ଓପନର ଦ୍ୱିତୀୟ ସେମିଫାଇନାଲ ସମୟରେ ଏଭଳି ଘଟଣା ଦେଖିବାକୁ ମିଳିଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଜଣେ ଝିଅ କୋର୍ଟ ମଧ୍ୟକୁ ଜୋରଜବରଦସ୍ତି ପଶିଯିବା ସହ ନିଜ ବେକରେ ପିନ୍ଧିଥିବା ଚେନ୍‌କୁ ନେଟ୍ ସହ ବାନ୍ଧିଦେଇଥିଲା । ଯାହାକୁ ଦେଖି ଖେଳାଳିମାନେ କୋର୍ଟ ଛାଡ଼ି ଚାଲିଗଲେ ଏବଂ ଖେଳକୁ ଅଟକାଇବାକୁ ପଡ଼ିଲା ।

ମ୍ୟାଚ୍ ଅଧିକାରୀମାନେ ତୁରନ୍ତ ଆସି ନେଟରୁ ଚେନ୍‌କୁ ଫିଟାଇ ଯୁବତୀଙ୍କୁ ବାହାର କରିଥିଲେ । କିଛି ସମୟ ପରେ ପୁଣି ମ୍ୟାଚ୍ ଆରମ୍ଭ ହୋଇଥିଲା । ଏହି ସମୟରେ ମହିଳା ପ୍ରଦର୍ଶନକାରୀ ନିଜ ଟି ସର୍ଟରେ ଏକ ବାର୍ତ୍ତା ଲେଖିଥିଲେ । ଯେଉଁଥିରେ ୧୦୨୮ ଦିନ ବାକି ଥିବା ଲେଖାଥିଲା । ପ୍ରଦର୍ଶନକାରୀଙ୍କ ନାମ ଆଲିଜା ବୋଲି କୁହାଯାଉଛି ।ଯାହାଙ୍କ ବୟସ ୨୨ବର୍ଷ । ପୂରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

A woman attached herself to the net pic.twitter.com/LJYrrYHyN6

— Jomboy Media (@JomboyMedia) June 3, 2022

କାହିଁକି କରୁଛନ୍ତି ପ୍ରଦର୍ଶନ

ଯୁବତୀ ଜଣକ ଡ୍ରିନେର ରିନୋଭେସନ୍ ନାମକ ଏକ ଆନ୍ଦୋଳନ ସହ ଜଡ଼ିତ ଅଛନ୍ତି । ଯିଏ ଜଳବାୟୁ ପରିବର୍ତ୍ତନକୁ ନେଇ ପ୍ରଦର୍ଶନ କରିଆସୁଛନ୍ତି । ତାଙ୍କ ମାନିବା ହେଲା ଯେ, ଫ୍ରାନ୍ସ ଜଦି ଜଳବାୟୁ ପରିବର୍ତ୍ତନ ଦିଗରେ କାର୍ଯ୍ୟ ନକରେ ତେବେ ୧୦୨୮ ଦିନ ପରେ କିଛି ବଞ୍ଚିବ ନାହିଁ । ପ୍ରଦର୍ଶନକାରୀ ଆଲିଜି ମଧ୍ୟ ଜଣେ ପରିବେଶ ପ୍ରେମୀ ବୋଲି କୁହାଯାଉଛି । ତେବେ ଏହି ଆନ୍ଦୋଳନର ଏକ ଓ୍ୱେବସାଇଟ ରହିଛି, ଯେଉଁଥିରେ ସମସ୍ତ ନେତା ବିଶ୍ୱକୁ ଏକ ଏଭଳି ଭବିଷ୍ୟତ ଆଡ଼କୁ ନେଇଯାଉଛନ୍ତି ଯେଉଁଠାରେ ଆଉ ଫ୍ରେଞ୍ଚ ଓପନ ଆୟୋଜନ ସମ୍ଭବ ହେଇପାରିବନାହିଁ ଏବଂ ସବୁ ଶେଷ ହୋଇଯିବ ବୋଲି କୁହାଯାଉଛି ।

ଏଥିସହିତ ପଢ଼ନ୍ତୁ: ନମାଜ ପାଠ ପରେ ଘାଟି ଛାଡ଼ି ନ ଯିବାକୁ କଶ୍ମୀରୀ ପଣ୍ଡିତଙ୍କୁ ଅପିଲ