Kisan Tractor Rally: ଲାଲକିଲାରେ ପଶିଲେ ଆନ୍ଦୋଳନକାରୀ ଚାଷୀ

ନୂଆଦିଲ୍ଲୀ: ଗଣତନ୍ତ୍ର ଦିବସରେ ଚାଷୀଙ୍କ ରଣହୁଙ୍କାର। ଅଧିକ ହିଂସାତ୍ମକ ହେବାରେ ଲାଗିଛି ଚାଷୀଙ୍କ ଟ୍ରାକ୍ଟର ରାଲି ।  ପ୍ରଥମେ ବାରିକେଡ ଭାଙ୍ଗିବା ପରେ ଏବେ ଚାଷୀମାନେ ଲାଲ୍ କିଲାରେ ଧସେଇ ପଶିଛନ୍ତି। ପୁଲିସର କଡ଼ା ସୁରକ୍ଷାବଲୟକୁ ଭାଙ୍ଗି ଆନ୍ଜୋଳନକାରୀ ଚାଷୀ ଲାଲକିଲ୍ଲା ଭିତରକୁ ପ୍ରବେଶ କରିଛନ୍ତି। ଏବଂ ସେଠାରେ ପହଞ୍ଚି ନାରାବାଜି କରିବା ସହ ଚାଷୀ ସଗଠନର ପତାକାକୁ ଲାଲକିଲା ଉପରେ ଲଗାଇବାକୁ ଚେଷ୍ଟା କରିଛନ୍ତି।

ଆଇଟିଓ ଛକରୁ ଦିଲ୍ଲୀର ଅନେକ ସ୍ଥାନରେ ଚାଷୀ ଓ ପୋଲିସ ମୁହାଁମୁହିଁ ହୋଇଛନ୍ତି। ଚାଷୀ ପୁଲିସ ଉପରକୁ ଟ୍ରାକ୍ଟର ଚଢ଼ାଇବାକୁ ଉଦ୍ୟମ କରିଛନ୍ତି। କେବଳ ସେତିକି ନୁହେଁ ଜଣେ ଆନ୍ଦୋଳନକାରୀ ରାଜପଥରେ ପୁଲିସ ଉପରକୁ ଖଣ୍ଡା ଧରି ଗୋଡାଇଛନ୍ତି। ନିକଟରେ ଥିବା ନଅ୍ୟ ଚାଷୀମାନେ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ସେ ଶୁଣି ନାହାନ୍ତି। ପରେ ପୁଲିସ ଉକ୍ତ ଆନ୍ଦୋଳନକାରୀ ଚାଷୀଙ୍କୁ କାବୁ କରିନେଇଛି।

ଚାଷୀଙ୍କ ରାଗରୁ ପବ୍ଲିକ ଟ୍ରାନ୍ସପୋର୍ଟ ବି ବର୍ତ୍ତି ନାହିଁ। ଅନେକ ବସକୁ ଭଙ୍ଗା ରୁଜା କରିଛନ୍ତି ଚାଷୀ। ଶାନ୍ତିପୂର୍ଣ୍ଣ ଭାବେ ହେବାକୁ ଥିବା ଏହି ଚାଷୀଙ୍କ ଟ୍ରାକଟର ରାଲି ଏବେ ରାଜଧାନୀ ଦିଲ୍ଲୀରେ ହିଂସାତ୍ମକ ପରିସ୍ଥିତି ସୃଷ୍ଟି କରିଛି।

Leave a Reply