ଚୀନ ବିରୋଧରେ ଚିକାଗୋରେ ବିକ୍ଷୋଭ ପ୍ରଦର୍ଶନ

ୱାଶିଂଟନ: ତେଜିବାରେ ଲାଗିଛି ଚୀନ ବିରୋଧୀ ସ୍ୱର । ବିଶ୍ୱରେ ଚୀନ୍ କରୋନା ଭାଇରସ୍ ବିସ୍ତାର ଓ ଅର୍ଥନୀତିକୁ କ୍ଷତି ପହଞ୍ଚାଇବା ଅଭିଯୋଗରେ ଆମେରିକାରେ ବିକ୍ଷୋଭ ପ୍ରଦର୍ଶନ କରାଯାଇଛି । ଚିକାଗୋ ସ୍ଥିତ ଚାଇନିଜ୍ କନ୍ସୁଲେଟ୍ ଆଗରେ ବିକ୍ଷୋଭ ପ୍ରତିବାଦ କରିଛନ୍ତି ପ୍ରବାସୀ ଓ ଆମେରିକୀୟ । ଚୀନ୍ ନିଜ ବଳ ଅନ୍ୟ ଦେଶ ଉପରେ ପ୍ରୟୋଗ କରୁଛି । ଆମେରିକାରୁ ଚାକିରି ଛଡ଼ାଇ ନେଉଥିବା ଅଭିଯୋଗ କରିଛନ୍ତି ବିକ୍ଷୋଭକାରୀ ।

ଚୀନ୍ ଆମେରିକୀୟଙ୍କ ଚାକିରି ଚୋରି କରୁଛି । ଧମକ ଦେଇ ଚୀନ ନିଜ ଦେଶ ଚାରିପଟେ ଥିବା ରାଷ୍ଟ୍ରକୁ ଭୟଭୀତ କରୁଛି । ଭିଏତନାମ, ତାଇୱାନ୍, ସିଙ୍ଗାପୁର ଓ ଭାରତ ଚୀନ ଦ୍ୱାରା ପୀଡ଼ିତ ହେଉଛନ୍ତି । ଡ୍ରାଗନ ନିଜ ବଳ ପ୍ରୟୋଗ କରି ଅନ୍ୟମାନଙ୍କ ସ୍ୱର ଦବାଇବା ସହ ଭୟଭୀତ କରାଇବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି ବିକ୍ଷୋଭକାରୀ ।