ବିଜେପି ପ୍ରାର୍ଥୀ ଟଙ୍କଧରଙ୍କୁ ବିରୋଧ

ଝାରସୁଗୁଡ଼ା: ବିଜେପି ପ୍ରାର୍ଥୀ ଟଙ୍କଧରଙ୍କୁ ବିରୋଧ କଲେ ଝାରସୁଗୁଡ଼ାର କିଛି ବ୍ୟକ୍ତି। ବାହାରିଆ ନେତା ଗୋ ବ୍ୟାକ କହି ଟଙ୍କଧରଙ୍କୁ ପୁରୁଣା ବସଷ୍ଟାଣ୍ଡ ଗାନ୍ଧୀ ଛକରେ ରାଲିକୁ ବିରୋଧ କରିଛନ୍ତି ସ୍ଥାନୀୟ ବାସିନ୍ଦା। ଆଜି ଝାରସୁଗୁଡା ପୁରୁଣା ବସଷ୍ଟାଣ୍ଡରେ ଥିବା ଗାନ୍ଧିମୂର୍ତ୍ତି ସମ୍ମୁଖରେ ସ୍ଥାନୀୟ ଜନସାଧାରଣ ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀଙ୍କୁ ବିରୋଧ କରି ଧାରଣା ଦେଇଥିଲେ। ସୂଚନା ଅନୁସାରେ ଚଳିତ ସାଧାରଣ ନିର୍ବାଚନରେ ଝାରସୁଗୁଡା ବିଧାନସଭା କ୍ଷେତ୍ରର ବିଜେପି ପ୍ରାର୍ଥୀ ଭାବେ ଦଳ ଟଙ୍କଧର ତ୍ରିପାଠୀଙ୍କୁ ଭରସା କରିଛି। ତେବେ ଟଙ୍କଧର ତ୍ରିପାଠୀ ପଡୋଶୀ ଜିଲ୍ଲା ସୁନ୍ଦରଗଡର ହୋଇଥିବାରୁ ତାଙ୍କୁ ସ୍ଥାନୀୟ ଜନସାଧାରଣ ବିରୋଧ କରୁଥିବା ଦେଖିବାକୁ ମିଳିଛି। ଧୀରେ ଧୀରେ ଟଙ୍କଧରଙ୍କୁ ନେଇ ଝାରସୁଗୁଡ଼ା ନିର୍ବାଚନ ମଣ୍ଡଳୀରେ ଅସନ୍ତୋଷ ଦେଖାଦେଇଛି।