ରାଜ୍ଯ କଂଗ୍ରେସ କାର୍ଯ୍ୟାଳୟରେ ହାଇଡ୍ରାମା

ଭୁବନେଶ୍ୱର: ଜଟଣୀ କଂଗ୍ରେସରେ ଫାଟ। ଅଧାରେ ଅଟକିଲା କଂଗ୍ରେସର ମିଶ୍ରଣ ପର୍ବ। ହୁଲୁସ୍ତୁଲ ହେଲା ରାଜ୍ଯ କଂଗ୍ରେସ କାର୍ଯ୍ୟାଳୟ। କଂଗ୍ରେସ ଭବନରେ କଂଗ୍ରେସ ବିଧାୟକ ସୁର ରାଉତରାୟଙ୍କ ପୁଅ ସିଦ୍ଧାର୍ଥ ରାଉତରାୟଙ୍କ ନେତୃତ୍ୱରେ ଏକ ମିଶ୍ରଣ ପର୍ବ ଅନୁଷ୍ଠିତ ହେବାର ଥିଲା। ସନ୍ତୋଷ ଜେନାଙ୍କ ସମର୍ଥକ ମାନେ କଂଗ୍ରେସରେ ମିଶିବାକୁ ଆସିଥିବା ବେଳେ ଏହାକୁ ଆଉ ଏକ ଗୋଷ୍ଠୀ ବିରୋଧ କରିଥିଲେ।

ଟିକେଟ ଆଶାୟୀ  ସଂଗ୍ରାମ ରାଉତରାୟଙ୍କ ସମର୍ଥକ ମାନେ କଂଗ୍ରେସ ଭବନରେ ହୋହଲ୍ଲା କରିଥିଲେ। ଟିକେଟ ନଦେଲେ ପରିସ୍ଥିତି ଖରାପ ହେବ ବୋଲି ଚେତାବନୀ ଦେଇଥିଲେ ।  ସେମାନଙ୍କ ଅଭିଯୋଗ ସୁର ଓ ତାଙ୍କ ବଡ଼ ପୁଅ ଦୀର୍ଘଦିନରୁ ସଂଗ୍ରାମଙ୍କୁ ପ୍ରାର୍ଥୀ କରିବାକୁ କହିଥିଲେ। ହେଲେ ଏବେ ଜଣେ ଜମି ମାଫିଆଙ୍କୁ ଆଣି ଟିକେଟ ଦେବାକୁ ବସିଛନ୍ତି। ସେପଟେ ସୁରଙ୍କ ପୁଅ ସିଦ୍ଧାର୍ଥ କହିଛନ୍ତି କଂଗ୍ରେସ ସଠିକ ସମୟରେ ସଠିକ ନିଷ୍ପତ୍ତି ନେବ।