ଲେଖାଶ୍ରୀଙ୍କ ମନ୍ତବ୍ୟକୁ ବିରୋଧ କରି ଘଟଗାଁରେ ପ୍ରଦର୍ଶନ
କେନ୍ଦୁଝର: ତେଜୁଛି ଲେଖାଶ୍ରୀ ନିଆଁ । ପୁରୀ ଶ୍ରୀମନ୍ଦିର ଓ ଜଗନ୍ନାଥଙ୍କୁ ନେଇ ବିଜେପି ନେତ୍ରୀ ଲେଖାଶ୍ରୀଙ୍କ ବିବାଦୀୟ ମନ୍ତବ୍ୟ ସାରା ରାଜ୍ୟରେ ଝଡ଼ ସୃଷ୍ଟି କରିଛି । ଏନେଇ ଘଟଗାଁ ଡାକ ବଙ୍ଗଳା ପରିସରରେ ବିଜେଡି ମହିଳା ସଂଘ ସହ ବିଜେଡି ସମର୍ଥକଙ୍କ ପକ୍ଷରୁ ବିରୋଧ ପ୍ରଦର୍ଶନ କରାଯାଇଛି । ଲେଖାଶ୍ରୀଙ୍କ ଏଭଳି ମନ୍ତବ୍ୟକୁ ନିନ୍ଦା କରିବା ସହ ତାଙ୍କ ନାଁରେ ନାରାବାଜୀ କରିଛି ସଂଘ ।
ଲେଖାଶ୍ରୀ ଶୀଘ୍ର ରାଜ୍ୟବାସୀଙ୍କୁ କ୍ଷମା ପ୍ରାର୍ଥନା କରିବାକୁ ସଂଘ ପକ୍ଷରୁ ଦାବି କରାଯାଇଛି । ଲେଖାଶ୍ରୀଙ୍କ ବିବାଦୀୟ ମନ୍ତବ୍ୟକୁ ଲୋକଙ୍କଠାରୁ ରାଜନେତା ଏମିତିକି ନିଜ ଦଳ ବିଜେପିରୁ ବିରୋଧ କରାଯାଇଛି । ଅନ୍ୟପଟେ ଯାତ୍ରା କଳାକାର ରାନୀ ପଣ୍ଡାଙ୍କ ବିଭିନ୍ନ ସମୟରେ ଅଶ୍ଲୀଳ କଥାବାର୍ତ୍ତାକୁ ମଧ୍ୟ ସଂଘ ପକ୍ଷରୁ ବିରୋଧ କରାଯାଇଛି । ରାନୀ ନାରୀ ଜାତି ପାଇଁ କଳଙ୍କ ବୋଲି କହିଛି ସଂଘ ।
