ପୁରୀ ବିଜେଡିର ପ୍ରତିବାଦ ଶୋଭାଯାତ୍ରା; ବିଧାୟକଙ୍କର ବ୍ରାଉନସୁଗାର କାରବାରରେ ହାତ ଥିବା ଅଭିଯୋଗ…

ପୁରୀ: ବ୍ରାଉନ୍ ସୁଗାର କାରବାରରେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀଙ୍କ ସମ୍ପୃକ୍ତି ଅଭିଯୋଗ । ଏନେଇ ବିଜେଡି ପକ୍ଷରୁ ପୁରୀରେ ପ୍ରତିବାଦ ରାଲି କରାଯାଇଛି  । କାର୍ଯ୍ୟାନୁଷ୍ଠାନ ଦାବି କରି ଡିଆଇଜି ଆଶିଷ ସିଂଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି ଶତାଧିକ ବିଜେଡି କର୍ମୀ । ବିଧାୟକ ଜୟନ୍ତ ଷଡ଼ଙ୍ଗୀ ଏବଂ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ କୁଶପୁତ୍ତଳିକା ଦାହ କରାଯାଇଥିଲା ।

କିଛି ବ୍ରାଉନ ସୁଗାର ବେପାରୀଙ୍କ ବିରୋଧରେ ପୋଲିସ କାର୍ଯ୍ୟାନୁଷ୍ଠାନ ପରେ ସେମାନଙ୍କ ସପକ୍ଷରେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ ରାଲି କରିଥିଲେ  । ଏହି ଘଟଣାରୁ ବ୍ରାଉନ୍ ସୁଗାର କାରବାରରେ ବିଧାୟକଙ୍କ ସଂପୃକ୍ତିର ଗନ୍ଧ ବାରିଛି ବିଜେଡି ।

ପୁରୀ ସହରରେ ବ୍ରାଉନସୁଗାର କାରବାର ବନ୍ଦ ପାଇଁ ପୋଲିସ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଇଛି । ଅନ୍ୟପକ୍ଷରେ ପୁରୀକୁ ଅପରାଧୀମୁକ୍ତ କରିବା ପାଇଁ ବ୍ୟବସ୍ଥା କରାଯାଉଥିବା ଡିଆଇଜି ଆଶିଷ ସିଂ କହିଛନ୍ତି ।