ଇଡକଲ ଡେପୁଟି ମ୍ୟାନେଜରଙ୍କ କୁବେର ସମ୍ପତ୍ତି, ଯେତେ ଖୋଳିଲେ ସେତେ ବାହାରୁଛି…

ଭୁବନେଶ୍ବର : ଇଡକଲ ଡେପୁଟି ମ୍ୟାନେଜରଙ୍କ ଅଚଳାଚଳ ସମ୍ପତ୍ତି । ଡେପୁଟି ମ୍ୟାନେଜର ଗୟା ସାଆଁନ୍ତରାଙ୍କ ଘରେ ଚଢ଼ାଉ ଜାରି ରହିଛି । ଚଢ଼ାଉ ବେଳେ ଜବତ ହୋଇଥିଲା ନଗଦ ୧ କୋଟି ୬ ଲକ୍ଷ ୪୪ ହଜାର ଟଙ୍କା ଜବତ ହୋଇଥିଲା । ଏହାସହ ୧ କେଜି ୮୩ ଗ୍ରାମର ସୁନା ଓ ପାଖାପାଖି ୭ କେଜିର ରୁପା ଅଳଙ୍କାର ଜବତ ହୋଇଛି । ଗତକାଲି ବ୍ୟାଙ୍କ ଆକାଉଣ୍ଟରୁ ୪ କୋଟି ୧୯ ଲକ୍ଷ ଟଙ୍କା ଠାବ ହୋଇଥିଲା ।

ଡେପୁଟି ମ୍ୟାନେଜରଙ୍କର ଭୁବନେଶ୍ବରରେ ୨ଟି ବହୁତଳ ବିଶିଷ୍ଟ କୋଠା ସହ ଭୁବନେଶ୍ବର, ଯାଜପୁର ଓ ନୟାଗଡ଼ର ପ୍ରାଇମ୍ ଲୋକେସନରେ ୧୩ଟି ପ୍ଲଟ ଠାବ ହୋଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଇଡକଲ ଆମ୍ପା ଭାଲି ଲାଇମ ଷ୍ଟୋନ୍ ମାଇନ୍ସର ଡେପୁଟି ମ୍ୟାନେଜର ଗୟା ସାଆନ୍ତରାଙ୍କ ଘର ଓ ଅଫିସ ସମେତ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ଭିଜିଲାନ୍ସ ଟିମ୍ ।