ପ୍ରେମିକାର କଟା ହାତ ସହ ଧରାପଡ଼ିଲେ ଅଧ୍ୟାପକ

1 min read

ମସ୍କୋ: ସେ ଜଣେ ଖ୍ୟାତନାମା ଇତିହାସ ଅଧ୍ୟାପକ, ଓଲେଗା ସୋକୋଲୋଭ୍‌। ବୟସ ୬୩ । ଇତିହାସରେ ଗବେଷଣା ପାଇଁ ତାଙ୍କୁ ଅନ୍ତର୍ଜାତୀୟ ସ୍ତରରେ ସମ୍ମାନିତ କରାଯାଇଛି । ନେପୋଲିୟନ୍ ବୋନାପାର୍ଟଙ୍କ ଉପରେ ଗବେଷଣା କରି ସେ ବହି ଲେଖିଛନ୍ତି ।  କିନ୍ତୁ ନିଜ ଇତିହାସ ପୃଷ୍ଠାରେ କଳା ବୋଳି ଦେଇଛନ୍ତି । ନିଜକୁ ଜଣେ କଳଙ୍କିତ ମଣିଷ, ଅପରାଧୀ ଆଉ ଦାଗୀ ସଜେଇ ଦେଇଛନ୍ତି ।

ଆପଣ କହିପାରନ୍ତି, ଜଣେ ଅଧ୍ୟାପକ କ’ଣ ଏମିତି କାଣ୍ଡ କରିବସିଲେ…. ।

ପ୍ରକୃତରେ ସେ ଯାହା କରିଛନ୍ତି ତାହା ଜଣେ ଅଧ୍ୟାପକଙ୍କ ପାଖରୁ ଆଶା କରାଯାଏନା । ତାଙ୍କ  କାରନାମା ସାରା ରୁଷ୍‌କୁ ଆଶ୍ଚର୍ଯ୍ୟ ଚକିତ କରିଛି ।

ପ୍ରଥମତଃ ସୋକୋଲୋଭ୍ ଜଣେ ଅଧ୍ୟାପକ ହୋଇ ନିଜ ଛାତ୍ରୀଙ୍କୁ ପ୍ରେମ କରିଥିଲେ, ଯିଏ କି ତାଙ୍କ ଠାରୁ କାହିଁ କେତେ ବର୍ଷ ସାନ ।  ଆଉ ପରେ ତାଙ୍କୁ ମାରିଦେଇଛନ୍ତି ।

ଶନିବାର ଦିନ ସୋକୋଲୋଭ୍‌ଙ୍କୁ ଏକ ବରଫାବୃତ ନଈ ଭିତରୁ ଗିରଫ କରାଯାଇଛି । ଗିରଫ ବେଳେ ତାଙ୍କ ପାଖରେ ରହିଥିଲା ଏକ ବ୍ୟାକପ୍ୟାକ ବ୍ୟାଗ୍ । ଆଉ ସେ ବ୍ୟାଗରେ ଥିଲା ସେଇ ଝିଅ ମାନେ ତାଙ୍କ ପ୍ରେମିକାଙ୍କ କଟାହାତ । ପ୍ରେମିକାଙ୍କୁ ହତ୍ୟା କରି ତାଙ୍କ ଶବକୁ ଖଣ୍ଡବିଖଣ୍ଡ କରିଥିବା କଥା ସୋକୋଲୋଭ ସ୍ୱୀକାର କରିଛନ୍ତି । ସୋକୋଲୋଭ ପ୍ରେମିକାଙ୍କ ମୃତଦେହକୁ ଖଣ୍ଡ ଖଣ୍ଡ କରି ଗୋଟି ଗୋଟି କରି ନଈରେ ଫିଙ୍ଗୁଥିବା ବେଳେ ଧରାପଡ଼ିଥିଲେ । ସେତେବେଳେ ସେ ପ୍ରଚୁର ମଦ ପିଇ ଟଳୁଥିଲେ ଓ ଖଣ୍ଡ ବିଖଣ୍ଡିତ ଶବାଂଶକୁ ନଈରେ ଫିଙ୍ଗୁଥିବା ବେଳେ ନଈରେ ପଡ଼ିଯାଇଥିଲେ ।

ଏନେଇ ସୋକୋଲୋଭ୍‌ଙ୍କ ଓକିଲ ଗଣମାଧ୍ୟମକୁ ଜଣାଇଛନ୍ତି ଯେ, ସୋକୋଲୋଭ୍‌ ନିଜ ଦୋଷ ସ୍ୱୀକାର କରିଛନ୍ତି । 

ପ୍ରେମିକାଙ୍କୁ ହତ୍ୟା କରିବାର କାରଣ ପଚାରିବାରୁ ସୋକୋଲୋଭ୍‌ ତଦନ୍ତକାରୀଙ୍କୁ କହିଛନ୍ତି ଯେ, ଯୁକ୍ତିତର୍କ ବେଳେ ସେ ଅତ୍ୟନ୍ତ ରାଗି ଯାଇ ପ୍ରେମିକାଙ୍କୁ ଗୁଳି କରି ମାରିଦେଇଥିଲେ । ପରେ ତାଙ୍କର ମୁଣ୍ଡ, ବାହୁ ଓ ଗୋଡ଼ କାଟି ପକାଇଥିଲେ। ତେବେ ଏହା ଶୁଣି ଘଟଣାର ସତ୍ୟାସତ୍ୟ ପାଇଁ ପୋଲିସ ଅଧ୍ୟାପକଙ୍କ ଘରେ ପହଞ୍ଚିଥିଲା ଏବଂ ତାଙ୍କ ଘରୁ ପ୍ରେମିକାଙ୍କ ଖଣ୍ଡବିଖଣ୍ଡିତ ଶବ ଏବଂ ଏକ ରକ୍ତାକ୍ତ କରତ ଜବତ କରିଛି।

ଏହା ପୂର୍ବରୁ ୨୦୦୮ରେ ସୋକୋଲୋଭ ଜଣେ ଛାତ୍ରୀଙ୍କୁ ହତ୍ୟା କରିଥିଲେ । କିନ୍ତୁ ଏଥିପାଇଁ ତାଙ୍କୁ କିଛି ଦଣ୍ଡ ମିଳି ନ ଥିଲା । ସୋକୋଲୋଭ ଜଣେ ପ୍ରତିଭାବାନ୍ ଅଧ୍ୟାପକ । କିନ୍ତୁ ସେ ଜଣେ ମାନସିକ ଅସ୍ଥିର ବ୍ୟକ୍ତିି ଓ ମଦ୍ୟପ ।

ସେ ଅଧିକାଂଶ ସମୟରେ ନେପୋଲିୟନଙ୍କ ଭଳି ପୋଷାକ ପିନ୍ଧୁଥିବା ଜଣାଯାଇଛି । ')}

Opn Commnet Area

Leave a Reply

Your email address will not be published. Required fields are marked *

Close Bitnami banner