ରାଜ୍ୟ ସରକାରଙ୍କ କାର୍ଯ୍ୟରେ ଖୁସ୍ ପଞ୍ଜାବ ପ୍ରତିନିଧି ଦଳ, କହିଲେ ସରକାରଙ୍କୁ ସ୍ୟାଲୁଟ୍

ଭୁବନେଶ୍ୱର : ପୁରୀରେ ଥିବା ମଙ୍ଗୁ ମଠକୁ ନେଇ ଲାଗି ରହିଥିବା ବିବାଦର ସମାଧାନ ହୋଇଛି । ରାଜ୍ୟ ସରକାରଙ୍କ କାର୍ଯ୍ୟକୁ ଉଚ୍ଚ ପ୍ରଶଂସା କରିବା ସହ ଉଚ୍ଛେଦ ପରେ ମଠକୁ ନେଇ ଯେଉଁ ଭୁଲ୍ ଧାରଣା ଥିଲା ସେ ସବୁ ଦୂର ହୋଇଥିବା କହିଛନ୍ତି ପଞ୍ଜାବରୁ ଆସିଥିବା ପ୍ରତିନିଧି ଦଳ ।

ଆଜି ପଞ୍ଜାବର ଏକ ଶିଖ୍ ପ୍ରତିନିଧି ଦଳ ରାଜ୍ୟ ସରକାରଙ୍କ ସହ ଆଲୋଚନା କରିଛନ୍ତି । ଏଥିରେ ମଙ୍ଗୁ ମଠକୁ ନେଇ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଛି । ପଞ୍ଜାବର ୨ ଜଣ ବିଧାୟକ ଓ SGPCର ଜଣେ ସଦସ୍ୟ ଆବେଗ ପ୍ରକାଶ କରିଥିଲେ । ସେମାନଙ୍କୁ ବିସ୍ତୃତଭାବେ ସରକାରଙ୍କ କାର୍ଯ୍ୟ ସଂପର୍କରେ ସୂଚନା ପ୍ରଦାନ କରାଯାଇଥିଲା । ମଙ୍ଗୁ ମଠ ସହ ୧୨ ଏକର ସ୍ଥାନରେ ଥିବା ଗୁରୁ ନାନକଙ୍କ ମଠର ସୌନ୍ଦର୍ଯ୍ୟକରଣ କରାଯିବ ।

ରାଜ୍ୟ ସରକାରଙ୍କ ଆଭିମୁଖ୍ୟକୁ ପଞ୍ଜାବରୁ ଆସିଥିବା ପ୍ରତିନିଧି ଦଳ ସରକାରଙ୍କୁ ପ୍ରଶଂସା କରିଛନ୍ତି । ମନରେ ଯେଉଁ ସନ୍ଦେହ ଥିଲା ତାହା ଦୂର ହୋଇଛି । ଏହା ଦ୍ଵାରା ଓଡିଶା ଓ ପଞ୍ଜାବ ମଧ୍ୟରେ ସମ୍ପର୍କ ସୃଦୁଢ ହେବ ବୋଲି କହିଛନ୍ତି ପ୍ରତିନିଧି ଦଳ ସଦସ୍ୟ ସମରଜିତ୍ ସିଂ । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଧାୟକ ପ୍ରଣବ ପ୍ରକାଶ ଦାସ, ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଓ ପୂର୍ତ୍ତି ସଚିବ କିଷାନ କୁମାରଙ୍କୁ ସେମାନେ ଧନ୍ୟବାଦ ଜଣାଇଛନ୍ତି । ସେମାନେ କହିଥିଲେ ଯେ, ବିଧାୟକ ତାଙ୍କ ସାନ ଭାଇ ଏବଂ ସଚିବଙ୍କର ସେ ଅଂଚଳରେ ବଡ଼ ଘର ଅଛି । ଓଡ଼ିଶାରେ ଗୁରୁନାନକଙ୍କୁ ଅଧିକ ଶ୍ରଦ୍ଧା କରାଯାଉଛି । ରାଜ୍ୟ ସରକାରଙ୍କୁ ସାଲୁଟ କରିଛନ୍ତି ପ୍ରତିନିଧି ଦଳ । ସାକ୍ଷାତ ଆଲୋଚନା ପରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି ଯେ ସରକାରଙ୍କ ମାଷ୍ଟର ପ୍ଲାନରେ ସେମାନେ ଖୁସି ଅଛନ୍ତି ।

https://nandighoshatv.comeviction-going-on-at-puri-mangu-matha-vandalized/