କୋଭିଡ୍ ଟେଷ୍ଟ ପରେ ମାଜିଷ୍ଟ୍ରେଟଙ୍କ ପାଖରେ ହାଜର ହେବେ ଅଭିଯୁକ୍ତ
1 min read
ଭୁବନେଶ୍ୱର: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ସେଥିପାଇଁ ରାଜ୍ୟ ସରକାର କରୋନା ସଂକ୍ରମଣ ରୋକିବା ପାଇଁ ଭିନ୍ନ ପଦକ୍ଷେପ ମାନ ନେଉଛନ୍ତି । ଅନ୍ଲକ୍ ୪ ପରେ ଜେଲ ବିଭାଗ ପାଇଁ SOP ଜାରି କରାଯାଇଛି । କୋରୋନାକୁ ଦୃଷ୍ଟିରେ ରଖି ଜେଲ ବିଭାଗ ପାଇଁ ଜାରି ହେଲା SOP । SOP ଜାରି କଲା ଗୃହ ବିଭାଗ । କୌଣସି ଅଭିଯୁକ୍ତଙ୍କୁ ମାଜିଷ୍ଟ୍ରେଟଙ୍କ ପାଖରେ ହାଜର କରିବା ଆଗରୁ କୋଭିଡ଼ ଟେଷ୍ଟ ବାଧ୍ୟତାମୂଳକ ବୋଲି ଏସଓପିରେ ନିର୍ଦ୍ଦେଶ ରହିଛି । ନିର୍ଦ୍ଦିଷ୍ଟ ମେଡିକାଲର ମେଡିକାଲ ଅଫିସରଙ୍କ ଦ୍ଵାରା ସ୍ୱାସ୍ଥ୍ୟ ପରୀକ୍ଷା କରାଯିବ ।
ଆଣ୍ଟିଜେନ ଟେଷ୍ଟ ଦ୍ୱାରା ନେଗେଟିଭ ସାବ୍ୟସ୍ତ ହେବା ପରେ ହିଁ ଅଭିଯୁକ୍ତ ଜେଲ ଯିବେ । ପଜିଟିଭ ଚିହ୍ନଟ ହେଲେ କୋର୍ଟଙ୍କ ଅନୁମତି ନେଇ କୋଭିଡ ମେଡିକାଲକୁ କଏଦୀ କିମ୍ବା ଅଭିଯୁକ୍ତଙ୍କୁ ସ୍ଥାନାନ୍ତର କରାଯିବ । ନୂଆକରି ଜେଲ ଯାଇଥିବା ଅଭିଯୁକ୍ତଙ୍କୁ ଆଇସୋଲେସନ ୱାର୍ଡ ରଖାଯିବ । ହସ୍ପିଟାଲକୁ ଯାଇଥିବା କଏଦୀଙ୍କ ସହ ଜଣେ ସୁରକ୍ଷାକର୍ମୀ ରହିବେ । ଏବଂ କଏଦୀ ସୁସ୍ଥ ହେବା ପରେ ସୁରକ୍ଷାକର୍ମୀ ଜଣଙ୍କ ୧୪ ଦିନ ପାଇଁ ସଙ୍ଗରୋଧରେ ରହିବେ ବୋଲି ଏସଓପି ଜାରି ହୋଇଛି ।
