ହାଲଓ୍ୱା ବଣ୍ଟନ ପରେ ଆରମ୍ଭ ହେବ ବଜେଟ୍ ଦସ୍ତାବିଜ ଛାପା କାମ
1 min read
ନୂଆଦିଲ୍ଲୀ: ଆଜିଠାରୁ ୨୦୨୦-୨୧ ଆର୍ଥିକ ବର୍ଷର ବଜେଟ ଦସ୍ତାବିଜ ଛାପା କାମ ଆରମ୍ଭ ହେବ । ଏଥିପାଇଁ ପ୍ରଥମେ ହାଲଓ୍ୱା ଉତ୍ସବ ଅନୁଷ୍ଠିତ ହେବ । ଏଥିରେ କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣଙ୍କ ସମେତ ଅନ୍ୟମାନେ ଯୋଗଦେବେ ।
ହାଲଓ୍ୱା ପ୍ରସ୍ତୁତି ପରେ ତାକୁ ନର୍ଥ ବ୍ଲକରେ ଅର୍ଥ ମନ୍ତ୍ରଣାଳୟର ଅଧିକାରୀ ଓ କର୍ମଚାରୀଙ୍କ ମଧ୍ୟରେ ବଣ୍ଟନ ହେବ । ପାରମ୍ପରିକ ଉତ୍ସବ ପରେ ବଜେଟ ଛାପା କାର୍ଯ୍ୟ ଆରମ୍ଭ ହେବ । ଫେବ୍ରୁଆରୀ ୧ରେ ବଜେଟ ଉପସ୍ଥାପନ ହେବ । ତେଣୁ ପ୍ରାୟ ୧୦ ଦିନ ଧରି ବଜେଟ ଛାପା ସହ ଜଡ଼ିତ ଅଧିକାରୀ ଓ କର୍ମଚାରୀ ମାନେ ନର୍ଥବ୍ଲକର ବେସମେଣ୍ଟରେ ରହିବେ ।
ସଂସଦରେ ବଜେଟ୍ ଉପସ୍ଥାପନ ପରେ ହିଂ ସେମାନେ ସେଠାରୁ ବାହାରିବେ । ବାର୍ଷିକ ବଜେଟ୍ ପ୍ରସ୍ତାବରେ ରଖାଯାଇଥିବା ବିଷୟ ଗୁଡ଼ିକ ଲୋକ ଲୋଚନକୁ ନଆସିବା ପାଇଁ ଏହି ସତର୍କତା ଅବଲମ୍ବନ କରାଯାଏ ।
