କରୋନା ଟିକା ନେଲେ ଇସ୍ରାଏଲ ପ୍ରଧାନମନ୍ତ୍ରୀ

ଇସ୍ରାଏଲ: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଲାଇଭ୍ ସୋରେ କରୋନା ଟିକା ନେଇଛନ୍ତି । ଇସ୍ରାଏଲର ପ୍ରଥମ ନାଗରିକ ଭାବେ ସେ ଏହି ଟିକା ନେଇଛନ୍ତି ।

ଦେଶବାସୀଙ୍କୁ ମନରେ ଜାଗ୍ରତ ଓ ସାହସିକତା ପାଇଁ ସିଧାପ୍ରସାରଣ କାର୍ଯ୍ୟକ୍ରମରେ ସେ ଟିକା ନେଇଛନ୍ତି । ଏଥି ସହ ସାରା ବିଶ୍ୱରେ ଯେଉଁ ବଡବଡ ନେତାମାନେ ଟିକା ନେବାକୁ ଯାଉଛନ୍ତି ସେମାନଙ୍କ ତାଲିକାରେ ସାମିଲ ହୋଇଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ।

ଫାଇଜର୍ ଓ ବାୟୋଏନଟେକ୍ ଦ୍ୱାରା ପ୍ରସ୍ତୁତ ହୋଇଥିବା କରୋନା ଟିକା ନେବାପରେ ସୁସ୍ଥ ଅଛନ୍ତି ପ୍ରଧାନମନ୍ତ୍ରୀ ବେଞ୍ଜାମିନ୍। ଟିକା ନେବାପରେ ନେତନ୍ୟାହୁ କହିଛନ୍ତି, ଆଜି ଇସ୍ରାଏଲ ପାଇଁ ଏକ ବଡ ଦିନ । ସାରା ଦେଶବାସୀ ଦୀର୍ଘ ଏକ ବର୍ଷ ଧରି କରୋନା ବିରୋଧରେ ଲଢେଇ ଜାରି ରଖିଥିଲେ । ଏବେ ଟିକା ନେବା ପରେ ଭୂତାଣୁର ଭୟ ଦୂର ହେବାରେ ଲାଗିଛି ।

ତେବେ ରବିବାର ଇସ୍ରାଏଲ ସ୍ୱାସ୍ଥ୍ୟକର୍ମୀ ଓ ଆଗଧାଡିର ଲୋକଙ୍କୁ କରୋନା ଟିକା ମିଳିବ । ଇସ୍ରାଏଲ ସରକାର କରୋନାକୁ ମାତ ଦେବା ପାଇଁ ଲକ୍ଷ ଲକ୍ଷ ଡୋଜ୍ ମହଜୁଦ ରଖିଛନ୍ତି ।